Maharashtra Politics : उपमुख्यमंत्री देवेंद्र फडणवीस यांचे भावी मुख्यमंत्री म्हणून नागपूरमध्ये बॅनर झळकले आहे. नागपूरच्या बुटीबोरी परिसरात 'देवेंद्र फडणवीस हे महाराष्ट्राचे भावी मुख्यमंत्री होणार', अशा आशयाचे बॅनर झळकल्याने राज्यात जोरदार चर्चा रंगली आहे.
काही दिवसांपूर्वी अजित पवार हे महाराष्ट्राचे भावी मुख्यमंत्री होणार अशी चर्चा रंगली होती. तर त्यांचे भावी मुख्यमंत्री म्हणून बॅनरही झळकले होते. तर दुसरीकडे राधाकृष्ण विखे पाटील यांनी फडणवीस हेच आमच्या मनातील मुख्यमंत्री आहेत, असं वक्तव्य केलं होतं. त्यामुळे राज्यातील राजकारण चांगलंच ढवळून निघालं होतं.
त्यानंतर आता 'फडणवीस हे महाराष्ट्राचे भावी मुख्यमंत्री होणार', अशा आशयाचे बॅनर नागपूरमधील बुटीबोरी नगर परिषदेचे अध्यक्ष बबलू गौतम यांनी लावले आहे. त्यामुळे पुन्हा एकदा राज्याच्या राजकारणात काही घडामोडी घडणार का? अशा चर्चा सुरू झाल्या आहेत. मात्र, उपमुख्यमंत्री देवेंद्र फडणवीस यांनी या बॅनर प्रकरणावर भाष्य केलं आहे.
फडणवीस म्हणाले, ''नागपूरमध्ये भावी मुख्यमंत्री म्हणून बॅनर लागले आहे. ज्यांनी कोणी ते लावले आहे त्यांनी ते काढून टाकावेत. काही अतिउत्साही लोकं असतात, ते असं करतात. एकनाथ शिंदे हेच महाराष्ट्राचे मुख्यमंत्री आहेत आणि 2024 मध्ये तेच मुख्यमंत्री असतील. त्यांच्याच नेतृत्वात आम्ही विधानसभा निवडणूक लढवू'', असं स्पष्टीकरण त्यांनी एका वृत्तवाहीनीशी बोलताना दिलं.
Edited By- Ganesh Thombare
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.
