Samruddhi Highway Accident : अपघातातील मृतांची ओळख पटविण्यात मोठी अडचण; सामूहिक अंत्यसंस्काराचा निर्णय

Samruddhi Bus Accident News : समृद्धी महामार्गावर शुक्रवारी मध्यरात्री ट्रॅव्हल्सला भीषण अपघात झाला. या अपघातात 25 प्रवाशांच्या होरपळून मृत्यू झाला. यात वर्ध्यातील 14 जणांचा समावेश आहे. या सर्वांवर रविवारी बुलडाण्यात सामूहिक अंत्यसंस्कार करण्यात येणार आहेत.

अपघातात मृत्यू झालेल्या प्रवाशांचे मृतदेह प्रमाणात भाजले आहेत. त्यामुळे त्यांची ओळख पटविण्यात मोठ्या अडचणी येत आहेत. त्यामुळे मृतांच्या कुटुंबियांशी चर्चा करून रविवारी बुलडाण्यातच (Buldana) त्यांच्यावर सामूहिक अंत्यसंस्कार करण्याचा निर्णय घेण्यात आला. बुलडाणा येथे गेलेले वर्ध्याचे तहसीलदार रमेश कोळपे यांनी ही माहिती दिली.

या अपघाताची (Accident) माहिती मिळताच प्रवाशांचे नातेवाईक आधीच बुलडाणा येते पोहोचले आहेत. अपघाताविषयी कळताच वर्धा जिल्हा प्रशासनाचे दोन पथक व पोलिसांचे (Police) दोन पथक देखील बुलडाण्यात दाखल झाले. प्रशासनाकडून या अपघातात मृत्यू झालेल्या वर्धा येथील मृतांच्या नातेवाईकांशीही संपर्क साधला जात आहे.

बहुतेक नातेवाईकांच्या सहमतीने सामूहिक अंत्यसंस्काराचा निर्णय घेण्यात आला. 'फॉरेन्सिक टीम' ने सलग २४ तास काम केले तरीही 'डीएनए' चा अहवाल यायला पाच दिवस लागतील. मात्र, जळालेले मृतदेह इतके दिवस ठेवता येणार नाही. त्यामुळे मृतांच्या कुटुंबीयांच्या सहमतीने अंत्यसंस्काराचा निर्णय घेण्यात आला. रविवारी सकाळी अंत्यसंस्कार करण्याचे नियोजन आहे.

फॉरेन्सिक टीम' ने सलग २४ तास काम केले तरी 'डीएनए'चा अहवाल यायला पाच दिवस लागतील. मात्र, जळालेले मृतदेह इतके दिवस ठेवता येणार नाहीत. यामुळे मृतांच्या कुटुंबीयांच्या सहमतीने अंत्यसंस्काराचा निर्णय घेण्यात आल्याचे स्पष्ट करण्यात आले आहे. रविवारी सकाळी अंत्यसंस्कार करण्याचे नियोजन आहे. सर्व मृतदेह बुलडाणा जिल्हा रुग्णालयात ठेवण्यात आले आहे. संध्याकाळपर्यंत २५ मृतांपैकी २० जणांचे नातेवाईक जिल्हा रुग्णालयात पोहचले आहेत. इतर नातेवाईकही रात्री उशीरापर्यंत पोहचणार आहेत.