Abu Azmi on Khulatabad renaming : ''...तर मी म्हणतो एका जागेचंच नाही संपूर्ण देशाचं नाव बदला, आम्ही स्वागत करू'' ; अबू आझमींचं मोठं विधान!

Abu Azmi latest reaction : महाराष्ट्रात गेल्या काही दिवसांपासून छत्रपती संभाजीनगर जिल्ह्यातील खुलताबाद येथे असलेल्या औरंगजेबच्या कबरीवरून राजकीय वातावरण तापलेलं आहे. ही कबर हटवली गेली पाहीजे असं काहींचं म्हणणं आहे तर काहींच्या मते ही कबर राहू द्यावी. त्यात आता कबरीचं ठिकाण असलेल्या खुलताबाद या गावाचं नाववही बदलून रत्नपूर केलं जावं, अशी मागणी समोर येवू लागली आहे. भाजप अन् शिवसेना नेत्यांकडून तशी विधानं केली गेली आहेत. यावर आता समाजवादी पार्टीचे नेते अबू आझमी यांची मोठी प्रतिक्रिया समोर आली आहे.

या मुद्य्यावर मीडियाला प्रतिक्रिया देताना अबू आझमी म्हणाले, ''पुराने शहरो के नाम बदलनेसे क्या होगा, सरकार कोई नया शहर बसाओ तो बात बने. माझं म्हणणं आहे की जर नाव बदलण्याने महागाई संपत असेल, नाव बदलण्याने बेरोजगारी संपत असेल, नाव बदलण्याने जर देशातील कायदा अन् सुव्यवस्था सुधारत असेल तर मी म्हणतो की एकाच जागेचे नाव नाही, तर संपूर्ण देशाचे नाव बदलला आम्ही स्वागत करू.''

याशिवाय अबू आझमींनी पुढे म्हटले की, ''पण नाव बदलण्याचा अर्थ आहे, की तुम्ही लोकांना चुकीच्या पद्धतीने यामध्ये गुंतवून तुम्ही देशातील महागाई, देशाच्या भूभागावर चीनने किती मोठ्याप्रमाणावर कब्जा केलेला आहे, लाडक्या बहिणीस २१०० रुपये देवू म्हणणाऱ्यांकडे तिजोरीत पैसे नाहीत. जर या गोष्टींवरून लोकांचे लक्ष विचलीत करायचे असेल तर मला वाटतं हे चुकीचं आहे.''

तसेच ''देशात विकासावर बोललं गेलं पाहीजे. ते प्रत्येक काम करा ज्यामुळे बंधुभाव वाढेल. ज्यामुळे सर्वत्र आनंदी वातावरण निर्माण होईल, देशात सर्वजण मिळून राहतील, असं मला वाटतं.'' असं मत अबू आझमी यांनी सांगितलं.

याशिवाय, ''इतिहास तर सांगितला गेलाच पाहीजे, इतिहास मिटवला जाऊ शकत नाही. खरा इतिहास लोकांना दाखवला पाहीजे. बनावट इतिहास बनवू नका, जे योग्य ते लोकांना दाखवा आणि जबरदस्ती देशात अशी गोष्ट आणू नका, ज्यामुळे सामाजिक तणाव वाढेल व कायदा, सुव्यवस्था बिघडेल.'' असंही मत अबू आझमींनी व्यक्त केलं.

(२५ वर्षे पूर्ण करणारा ई-सकाळ आता का्ॅमस्कोअरमध्ये नंबर १. डिजिटल माध्यमांच्या क्षेत्रातली नवी झेप)

(Edited by - Mayur Ratnaparkhe)