Aditya Thackeray Vs ABVP : आदित्य ठाकरेंची युवासेना आणि 'ABVP' भिडणार; मुंबई विद्यापीठ सिनेट निवडणूक गाजणार

Mumbai News : मुंबई विद्यापीठाची दोन वर्षांपासून रखडलेल्या पदवीधर सिनेट निवडणूक होत आहे. 10 जागांसाठी ही निवडणूक होत असून 22 सप्टेंबरला मतदान होईल. या निवडणुकीत राजकीय धुरळा उडणार आहे.

आदित्य ठाकरे यांची युवासेना, अखिल भारतीय विद्यार्थी परिषद (ABVP) यांच्यासह 52 जणांनी उमेदवारी अर्ज दाखल केलेत. या निवडणुकीत युवासेना आणि 'ABVP' आमने-सामने येणार असल्याने ही निवडणूक गाजणार असल्याचे संकेत आहेत.

मुंबई विद्यापीठाच्या पदवीधर सिनेट निवडणुकीत आदित्य ठाकरेंची (Aditya Thackeray) युवासेना आणि ABVP मध्ये थेट सामना रंगणार असल्याचे चित्र आहे. युवासेना आणि ABVP ने सर्व 10 जागांवर आपपाले उमेदवार दिले आहेत. या निवडणुकीत छात्रभारतीने 4, मनसेने (MNS) 1 उमेदवार उतरवला आहे. शिवेसना एकनाथ शिंदे यांच्या युवासेने एकही उमेदवार सिनेटच्या निवडणुकीत उतरवलेला नाही. अपक्ष म्हणून 4 जणांनी अर्ज भरले आहेत.

10 जागांसाठी ही निवडणूक होत असून 22 सप्टेंबरला मतदान होणार आहे. उमेदवारी दाखल करण्याची 12 ऑगस्टच्या शेवटची दिवशी तब्बल 30 उमेदवारी अर्ज दाखल झाले. निवडणुकीच्या रिंगणात आता 52उमेदवार आहेत. 26 ऑगस्टपर्यंत अर्ज मागे घेण्याची तारीख असणार आहे.

मुंबई विद्यापीठ सिनेट पदवीधरच्या खुल्या 5 जागांसाठी 25 जणांचे अर्ज दाखल झालेत. सर्वात कमी अनुसूच जमातीच्या 1 जागेसाठी जागेसाठी 4 आणि त्यासोबत डीटी-एनटी प्रवर्गांच्या 2 जागेसाठी 5 अर्ज दाखल झाले आहेत. अनुसूचित जाती, ओबीसी आणि महिला प्रवर्गासाठी राखीव असलेल्या प्रत्येकी 1 जागेसाठी 6, असे एकूण 52 अर्ज दाखल झाले आहेत.

युवासेना आणि 'ABVP'चे उमेदवार

युवासेना उमेदवार : प्रदीप सावंत, मिलिंद साटम,परम यादव,अल्पेश भोईर,किसन सावंत,स्नेहा गवळी, शीतल शेठ, मयूर पांचाळ, धनराज कोहचडे, शशिकांत झोरे

'ABVP'चे उमेदवार : हर्षद भिडे, प्रतीक नाईक, रोहन ठाकरे, प्रेषित जयवंत, जयेश शेखावत, राजेंद्र सायगावकर, निशा सावरा, राकेश भुजबळ, अजिंक्य जाधव, रेणुका ठाकूर

'MNS' उमेदवार : सुधाकर तांबोळी