Bomb Threat Vidhan Bhavan : मोठी बातमी! विधानभवनात सर्च ऑपरेशन,बॉम्ब ठेवल्याचा धमकी; कर्मचाऱ्यांना रोखलं

Bomb threat email Vidhan Bhavan update: विधीमंडळाचे अर्थसंकल्पीय अधिवेशन सुरू असताना विधीमंडळात कार्यालयाला विधानभवनात बाॅम्ब ठेवल्याचा ईमेल मिळाला आहे. त्यामुळे तातडीने सर्च ऑपरेशन राबवण्यात येत आहे. विधीमंडळात असलेल्या आमदारांना देखील सुरक्षेच्या कारणाने बाहेर काढण्यात आले. तर, विधीमंडळात येणाऱ्या कर्मचाऱ्यांना गेटवरच थांबण्यात आले आहे.

विधान परिषदेचे सभापती राम शिंदे म्हणाले की, विधानभवनासह मुंबईतील चार महत्त्वाच्या ठिकाणी ही धमकी देण्यात आली आहे. पोलिस यंत्रणेने दखल घेतली आहे. सुरक्षा अधिकारी आणि तपास अधिकारी यांच्यात चर्चा झाली. विधानसभा 9.45 तर विधान परिषद 10 वाजता सुरू होणार आहे. त्याअनुषंगाने तपासणी सुरू आहे.

स्टाॅक एक्सचेंज, मेट्रो, बँक यांना देखील बाॅम्बने उडवण्याची धमकी देण्यात आली आहे. आवश्यक ती खबरदारी राज्य सरकारकडून घेण्यात येत आहे. बाॅम्ब शोधक पथकाकडून तपासणी सुरू आहे. धमकीचा मेल 6.57 वाजता आल्याचे देखील सभापती शिंदे यांनी सांगितले.