संभाजीराजेंच्या राज्यसभेच्या उमेदवारीवर बाळासाहेब थोरांतांनी स्पष्टच सांगितलं

मुंबई : राज्यसभा निवडणूक घडामोडींना सध्या वेग आला आहे. अशातच राज्यसभेसाठी अपक्ष उमेदवारीची घोषणा केलेले माजी खासदार संभाजीराजे छत्रपती (Sambhajiraje Chhatrapati) यांनी मुख्यमंत्री उद्धव ठाकरे यांची वर्षा बंगल्यावर भेट घेतली होती. यामुळं त्यांना शिवसेनेकडून उमेदवारी दिली जाऊ शकते, अशी चर्चा सुरू होती. यावर महाविकास आघाडीतील घटक पक्ष काय भूमिका घेणार, याकडेही लक्ष लागले होते. आता काँग्रेस नेते बाळासाहेब थोरात यांनी यावर भूमिका मांडली आहे.

राज्यसभेच्या ६ पैकी ५ जागांवर भाजपचे २, शिवसेना (Shivsena), काँग्रेस (Congress) आणि राष्ट्रवादी काँग्रेस (NCP) यांचा प्रत्येकी १ खासदार निवडून येऊ शकतो. त्यामुळे उर्वरित सहाव्या जागेसाठी चुरस निर्माण झाली आहे. महाविकास आघाडीतून सहावी जागा शिवसेना लढविणार असल्याचे मंत्री अनिल परब (Anil Parab) आणि शिवसेना नेते संजय राऊत (Sanjay Raut) यांनी जाहीर केले आहे. त्यामुळे शिवसेनेचे दोन खासदार निवडून जाण्याची शक्यता आहे.

सहाव्या जागेसाठी माजी खासदार संभाजीराजे छत्रपती (Sambhaji raje) यांनी यापूर्वी स्वतःची उमेदवारी जाहीर केली आहे. मात्र अद्याप कोणत्याही पक्षाने त्यांना पाठिंबा जाहीर केलेला नाही. तर महाविकास आघाडीकडून ही जागा शिवसेना लढविणार असल्याने शिवसेनेने उमेदवारीची घोषणा करण्यापूर्वीच संभाजीराजे यांना पक्ष प्रवेशाची ऑफर दिली होती, ती ऑफर अद्यापही कायम असल्याचे सांगण्यात येत आहे. याच ऑफरच्या पार्श्वभूमीवर संभाजीराजेंची मुख्यमंत्र्यांसोबत भेट झाल्याची चर्चा होती. (Rajysabha Election latest news)

संभाजीराजेंना शिवसेनेकडून उमेदवारी दिली जाईल, अशी जोरदार चर्चा सुरू आहे. पणे संभाजीराजेंनी अपक्ष म्हणून लढण्याची घोषणा केल्याने महाविकास आघाडीतील घटक पक्ष त्यांच्याबाबत सावध भूमिका घेत आहेत. यावर काँग्रस नेते बाळासाहेब थोरात म्हणाले की, संभाजीराजे हे मुख्यमंत्र्यांना भेटले पण त्यांच्यात काय चर्चा झाली हे माहिती नाही. त्यांच्या उमेदवारीबाबत महाविकास आघाडी म्हणून आधी चर्चा होईल. शेवटी निर्णय हा एकत्र पद्धतीने होईल.