Bjp vs Congress : राहुल गांधींनी राजघराण्यांचा अपमान केला, महाराष्ट्र सहन करणार नाही; फडणवीसांचा गंभीर आरोप

Maharashtra Politics Latest News : नागपूरमध्ये झालेल्या राहुल गांधींच्या सभेला महारॅली म्हणता येणार नाही. ती सूक्ष्म रॅली झाली. तिथे उपस्थिती अत्यंत कमी होती. आलेले लोकही राहुल गांधींच्या भाषणाआधी निघून गेले. त्यांचे भाषण ऐकण्याचीही कुणाची तयारी नव्हती. है तयार हम, अशी त्यांची थिम होती. आता हे कशा करता तयार आहेत? हे आमच्या लक्षात आलेले नाही. पण लोक म्हणातायेत हम तयार नाहीं. तुम्हाला ऐकायचे नाही, असा टोला उपमुख्यमंत्री देवेंद्र फडणवीस यांनी नागपुरातील सभेवरून काँग्रेसला लगावला.

देशातील अनेक शूर राजे आणि राजघराण्यांनी इंग्रजांशी संघर्ष केला. आणि आज राहुल गांधींनी सरसकट त्यांच्यावर टीका केली. देशातल्या राजांनी इंग्रजांशी हातमिळवणी केली होती, असे राहुल गांधी म्हणाले. अशाप्रकारे राजघराण्यांचा अपमान करणे चुकीचे आहे. महाराष्ट्रात आणि देशात हे कुणी सहन करणार नाही, असे उपमुख्यमंत्री देवेंद्र फडणवीस म्हणाले.

विदर्भातल्या 47 प्रकल्पांना सुधारीत प्रशासकीय मान्यता दिली आहे. जवळपास 18 हजार 399 कोटी रुपयांचे हे प्रकल्प आहेत. यातून 2 लाख 23 हजार हेक्टर जमीन सिंचनाखाली येणार आहे. यामुळे विदर्भातील प्रकल्प मार्गी लागले आहेत. त्यांना चालना मिळाली आहे. मराठवाड्यातील 6 प्रकल्पांनाही सुधारीत प्रशासकीय मान्यता दिली आहे. जवळपास 487 कोटी रुपयांचे हे प्रकल्प आहेत, तेही मार्गी लावाले आहेत, असे फडणवीसांनी सांगितले.

(राजकारणातील महत्त्वाच्या बातम्यांचे अपडेट्ससाठी सरकारनामाचे अधिकृत WhatsApp चॅनल फॉलो करा!)

गृहनिर्माण विभागाचीही आढावा बैठक घेतली. पोलिस कॉलनी, बीडीडी चाळ, म्हाडा कॉलनी या सर्वांच्या पुनर्विकासाच्या प्रश्नासह अनेक विषयांवर आम्ही निर्णय घेतले आहेत. मुंबईत विशेषतः म्हाडाच्या कामांना पुनर्विकासाला गती मिळणार आहे, सह्याद्री अतिथीगृहावर झालेल्या बैठकीनंतर उपमुख्यमंत्री देवेंद्र फडणवीस यांनी ही माहिती दिली.

edited by sachin fulpagare