Kharghar Sun Stroke Update : खारघर उष्माघात दुर्घटना चौकशी समितीला एक महिन्याची मुदतवाढ!

Mumbai News : ज्येष्ठ निरूपणकार आप्पासाहेब धर्माधिकारी (Appasaheb Dharmadhikari) यांना यंदाच्या वर्षीच्या महाराष्ट्र भूषण पुरस्काराने (Maharashtra Bhushan Award) सन्मानित करण्यात आले होते. केंद्रीय गृहमंत्री अमित शाह (Amit Shah) यांच्या हस्ते १६ एप्रिल रोजी हा पुरस्कार प्रदान करण्यात आला होता. नवी मुंबई येथील खारघरमधील सेंट्रल पार्क मैदानावर हा सोहळा पार पडला होता.

या पुरस्कार सोहळ्यासाठी लाखो लोक उपस्थित होते. मात्र कार्यक्रम भर दुपारी असल्यामुळे अनेक जणांना यावेळी उष्माघाताचा त्रास झाला होता, यानंतर अनेक नागरिकांना रुग्णालयात दाखल करण्यात आले होते, मात्र उष्माघातामुळे यामध्ये चौदा जणांचा मृत्यू झाला होता. (Latest Marathi News)

या घटनेमुळे विरोधकांनी शिंदे-फडणवीस सरकारवर टीका केला होती. घटनेची सखोल चौकशीची मागणीही केली होती. त्यानुसार मुख्यमंत्र्यांनी चौकशी समितीची नेमणूक करून, याबाबतचा अहवाल एका महिन्यात देण्यात यावा, असा आदेश दिला होता. मात्र आता या चौकशी समितीने अहवाल सादर करण्यासाठी मुदतवाढ मागितलेली आहे. त्यानुसार चौकशी समितीला आणखी एका महिन्याची मुदतवाढ दिल्याची माहिती आहे.

महाराष्ट्र भूषण पुरस्कार वितरणाच्या सोहळ्यात खारघर येथे १४ जणांचा उष्माघातामुळे मृत्यू झाला होता. या प्रकरणी नेमण्यात आलेल्या चौकशी समितीला आणखी एक महिन्याची मुदतवाढ मिळत असल्याची माहिती समोर येत आहे. या दुर्घटनेनंतर राज्याचे मुख्यमंत्री एकनाथ शिंदे यांनी चौकशीचे आदेश दिले होते. त्यानुसार महसूल विभागाचे तत्कालीन अतिरीक्त मुख्य सचिव नितीन करीर यांची एक सदस्यीय समिती स्थापन केली होती.

या समितीला अहवाल सादर करण्यासाठी एक महिन्याची मुदतही देण्यात आली होती. दरम्यान प्राप्त माहिती आणि कागदपत्रांची छाननी करणं, स्थळाची पाहणी करणं, या कामासाठी जास्तीचा कालावधी लागत असल्यामुळे अहवाल सादर करण्यासाठी मुदतवाढ देण्याची मागणी समितीची होती. त्यानुसार आता चौकशी समितीला आणखी एका महिन्याची मुदत दिली गेली आहे.