Vinod Tawde : दोन डायऱ्या, 15 कोटींच्या वाटपाची नोंद अन् माफी; विनोद तावडे बसलेल्या हॉटेलमध्ये काय घडलं?

Nala Sopara News : विरारमधील एका हॉटेलमध्ये मागील तीन तासांपासून मोठा राजा सुरू आहे. भाजपचे राष्ट्रीय सरचिटणीस यांच्यावर पैसे वाटपाचे आरोप करत बहुजन विकास आघाडीच्या कार्यकर्त्यांनी त्यांना घेराव घातला आहे. आघाडीचे नेते हितेंद्र ठाकूर यांनी 15 कोटीं रुपयांच्या वाटपाचा आरोप केला असून याची नोंद असल्याचा डायऱ्या सापडल्याचा दावाही त्यांनी केला आहे.

विनोद तावडे पैसे घेऊन येणार असल्याची माहिती आधीच आपल्याला होती, असा दावा करताना हितेंद्र ठाकूर यांनी मीडियाशी बोलताना सांगितले की, मला तावडेंचे 25 फोन केले, मला जाऊ द्या, माफ करा, असे ते म्हणत होते. कारवाई केली तर आम्ही जाऊ देऊ. निवडणूक आयोगाने यावर कारवाई करावी, अशी मागणी ठाकूरांनी केली.

विनोद तावडे पाच कोटी घेऊन येणार असल्याची माहिती मिळाली होती. रात्रीपासूनच वाटप सुरू आहे. माझ्याकडे डायऱ्या आहेत. वसई रोड 5, वसई पश्चिम 4... त्याखाली टोटल आहे 15, असे लिहिले आहे. कुठे किती वाटप करायचं हे सगळं डायरीत लिहिले असल्याचा दावा ठाकूरांनी केला आहे.

आमदार क्षितिज ठाकूर यांच्यासह आघाडीच्या कार्यकर्त्यांनी विनोद तावडेंना घेराव घातला आहे. ठाकूर यांच्याकडून डायरीतील नोंदींवरून तावडेंना जाब विचाराला जात असल्याचे व्हिडिओ समोर आले आहेत. तसेच कार्यकर्त्यांकडून पाकिटातील पैसे काढून ते दाखवलि जात असल्याचे व्हिडिओही आहेत. हितेंद्र ठाकूरही काही वेळाने हॉटेलमध्ये दाखल झाले आहेत.

हितेंद्र ठाकुरांकडून पोलिसांशी चर्चा केली जात असून कारवाईची मागणी केली जात आहे. दरम्यान, निवडणूक आयोगाकडून तावडेंची गाडी तपासल्याचे समजते. मात्र, आघाडीच्या कार्यकर्त्यांनी आपल्याला गाडी तपासायला द्यावी, अशी मागणी केली आहे. त्यामुळे अजूनही तावडे हॉटेलमध्येच असून त्यांना आघाडीच्या कार्यकर्त्यांकडून बाहेर जाऊ दिले जात नसल्याने तणावाचे वातावरण निर्माण झाले आहे.