Mangal Prabhat Lodha : जरीमारी परिसर दहशतमुक्त! मंगलप्रभात लोढांचा कट्टरपंथिय गुंडाला दणका

Mumbai Political News : साकीनाका येथील जरीमारी परिसरात असलेल्या एका मंदिरात दर्शनासाठी येणाऱ्या नागरिकांना विविध मार्गांनी त्रास देणाऱ्या एका कट्टरपंथिय गुंडाला मुंबई उपनगराचे पालकमंत्री मंगलप्रभात लोढांनी चांगलाच धडा शिकवला. लोढांच्या या निर्णयाने जरीमारी परिसर दहशतमुक्त झाल्याचे बोलले जात आहे.

अधिक माहितीनुसार, साकीनाका येथील जरीमारी परिसरातील एका कट्टरपंथिय गुंडाकडून धार्मिक तेढ निर्माण होईल, असे कृत्य सुरू होते. त्याबाबत तक्रार केल्याने त्याने स्थानिक हिंदू कुटुंबावर जीवघेणा हल्ला केला. याची माहिती मिळताच मंत्री लोढा यांनी घटनास्थळी जाऊन पीडित कुटुंबीयांची भेट घेतली. घडलेले प्रकरण समजावून घेत लोढांनी संबंधित कट्टरपंथिय गुंडाचे अनधिकृत असलेले पाच मजली घर पाडण्याचे निर्देश दिले.

(राजकारणातील महत्त्वाच्या बातम्यांचे अपडेट्ससाठी सरकारनामाचे अधिकृत WhatsApp चॅनल फॉलो करा!)

मंत्री लोढा यांच्या निर्देशानुसार महापालिकेने कारवाई केलेली आहे. आता त्या गुंडाच्या घराचा फक्त तळ मजला शिल्लक असल्याचे माहिती आहे. याबाबत मंत्री लोढा म्हणाले, "जरीमरी येथील घटनेचा आढावा घेतला. त्यातून लक्षात आले की, येथील हिंदूंना त्रास देण्याचा मालवणी पॅटर्न सुरू आहे. हा प्रकार बंद झाला पाहिजे हीच भूमिका घेत योग्य ती कारवाई केली आहे आणि यापुढेही करणार आहे. येथील भूमीपुत्रांवर होणारा अन्याय सहन केला जाणार नाही," असा इशाराही लोढा यांनी दिला.

मुंबईतील हिंदूंच्या सुरक्षेसाठी सदैव तत्पर!

जरीमरी, साकीनाका येथे काही कट्टरपंथियांद्वारे धार्मिक तेढ निर्माण करुन स्थानिक हिंदू कुटुंबांना त्रास दिला. याच्या अनेक तक्रारी देऊनही दखल घेतली गेली नाही. उलट तक्रार केली म्हणून हिंदूंवर हल्ला करण्यात आला. यात पाच जण जखमी झाले आहेत. याची माहिती मिळताच घटनास्थळी जाऊन पीडित कुटुंबाची चौकशी केली. त्यानंतर पोलिस व महापालिका अधिकाऱ्यांना कठोर कारवाई करण्याचे आदेश दिले. यापुढेही मुंबईतील हिंदुच्या सुरक्षेसाठी सदैव तत्पर राहणार असल्याचा लोढांनी यावेळी सांगितले.

(Edited by Sunil Dhumal)