MHADA Lottery : तब्बल 2 लाख 61 हजार वेतन असणाऱ्या आमदारांसाठी आणि 3 लाखांच्या आसपास पगार असणाऱ्या खासदारांसाठी केवळ 9 ते साडेनऊ लाख रुपयांमध्ये घर मिळणार आहे. म्हाडाच्या कोकण मंडळाने अत्यल्प आणि अल्प उत्पन्न गटातील नागरिकांसाठी 5 हजार 285 घरांची लॉटरी जाहीर केली आहे. कल्याण, टिटवाळा, वसई, ठाणे, नवी मुंबई या भागात ही घरे असणार आहेत. त्याच्या किमती साडेनऊ लाखांपासून 52 लाख रुपयांपर्यंत आहेत.
यातच नियमानुसार वेगवगेळ्या राखीव गटांप्रमाणेच अत्यल्प आणि अल्प उत्पन्न गटातील आमदार, खासदारांसाठी 95 राखीव घरे ठेवण्यात आली आहेत. अत्यल्प म्हणजे वार्षिक 6 लाखांपर्यंत आणि अल्प म्हणजे वार्षिक 9 लाखांपर्यंत पगार असणाऱ्या नागरिकांसाठी या घराची सोडत होणार आहे. आता एवढा पगार असणारे कोणते आमदार-खासदार अत्यल्प आणि अल्प उत्पन्न गटात मोडतात? असा सवाल विचारला जात आहे.
आज घडीला एका आमदाराला मूळ वेतन 1 लाख 82 हजार 200 रुपये आहे. तसेच जवळपास 52 हजार 16 रुपये (28 टक्के) महागाई भत्ता दिला जातो. त्यानुसार दोन लाख 61 हजार २१६ रुपये वेतन होते. खासदारांसाठीही सव्वा लाख पगार आणि भत्ते मिळून 3 लाख रुपयांच्या आसपास पगार दिला जातो. त्यामुळे या घरासाठी कोणते आमदार-खासदार अर्ज करणार, कोण विजेता ठरणार याकडे सर्वांचे लक्ष लागले आहे.
याबाबत म्हाडाकडे विचारणा केली असता महाराष्ट्र गृहनिर्माण आणि क्षेत्र विकास अधिनियम 1976 नुसार उत्पन्न गटानुसार आमदार-खासदारांसाठी घरे राखीव ठेवावी लागतात. या घरांसाठी आमदार-खासदारांकडून अर्ज न आल्यास ती खुल्या वर्गातील अर्जदारांना उपलब्ध होतात, असे म्हाडाच्या एका वरिष्ठ अधिकाऱ्याने सांगितले.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.
