MLA Disqualification Result : निकालानंतर ठाकरे गटाचे कार्यकर्ते आक्रमक; सरकारविरोधात जोरदार घोषणाबाजी

Mumbai News : शिवसेना आमदार अपात्रता प्रकरणाचा निकाल विधानसभाध्यक्ष राहुल नार्वेकर यांनी दिला आहे. निकाल देताना उद्धव ठाकरे यांच्या गटाचे प्रतिज्ञापत्र अमान्य करीत शिंदे गटातील 16 आमदारांना नार्वेकर यांनी पात्र ठरवले आहे. तसेच खरी शिवसेनादेखील एकनाथ शिंदे यांचीच असल्याचे नार्वेकरांनी स्पष्ट केले आहे.

राहुल नार्वेकर यांनी दिलेल्या या निकालानंतर ठाकरे गटाचे कार्यकर्ते आक्रमक झाले आहेत. मुंबईतील शिवालय कार्यालयाबाहेर काही कार्यकर्ते काळे झेंडे घेऊन रस्त्यावर उतरले असून ठाकरे गटाच्या कार्यकर्त्यांनी विधानसभाध्यक्ष राहुल नार्वेकर यांच्याविरोधात जोरदार घोषणाबाजी केली आहे. आमदार अपात्रता प्रकरणावरील निकालानंतर कायदा व सुव्यवस्थेचा प्रश्न निर्माण होऊ नये, यासाठी मोठा पोलिस बंदोबस्त तैनात करण्यात आलेला आहे.

(राजकारणातील महत्त्वाच्या बातम्यांचे अपडेट्ससाठी सरकारनामाचे अधिकृत WhatsApp चॅनल फॉलो करा!)

महाराष्ट्राच्या सत्तासंघर्षाचा निकाल विधानसभाध्यक्षांनी जाहीर करीत एकनाथ शिंदेंची शिवसेनाच खरी असल्याचा निकाल दिला. या निर्णायामुळे उद्धव ठाकरे गटाला मोठा धक्का बसला आहे. या निकालानंतर आता उद्धव ठाकरे काय प्रतिक्रिया देतात, ते पाहणे महत्त्वाचे असणार आहे.

शिंदेंनी कधी केलं होतं बंड?

एकनाथ शिंदे यांनी 20 जून 2022 ला शिवसेनेत बंड केलं होतं. 40 आमदारांना बरोबर घेत ते सुरतमार्गे गुवाहाटीला गेले होते. त्यामुळे महाविकास आघाडीचं सरकार कोसळलं होतं. यानंतर एकनाथ शिंदे यांनी भाजपसोबत जात सरकार स्थापन केलं होतं. यानंतर हे प्रकरण सुप्रीम कोर्टात गेलं होतं, तर आमदार अपात्रता प्रकरणाचा निकाल 10 जानेवारीपर्यंत देण्याचे आदेश सुप्रीम कोर्टाने विधानसभाध्यक्ष राहुल नार्वेकर यांना दिले होते. यानुसार आज निकाल लागला.

Edited By- Ganesh Thombare

R...