राहुल क्षीरसागर
Thane Mayor : ठाणे महापालिका निवडणुकीत शिंदेंची शिवसेना आणि भाजप महायुती म्हणून निवडणुकीला सामोरे गेले आहे. अशातच जागा वाटपात भाजप दोन पावले मागे आले असल्याचे सांगत सत्तेतील महत्त्वाच्या पदाची मागणी यापूर्वी भाजपने केली होती. अशातच गुरुवारी महापौर पदाचे आरक्षण जाहीर झाल्यानंतर भाजपचे आमदार निरंजन डावखरे यांनी थेट अडीच वर्षे महापौर पद मिळावे, अशी मागणी करीत पक्षाकडून कोण महापौर होऊ शकतो, त्याचे नावही त्यांनी जाहीर केले.
ठाणे महापलिकेची सार्वत्रिक निवडणूक पार पडल्यानंतर ठाणे शहराचा महापौर कोण याची चर्चा सुरु झाली. सार्वत्रिक निवडणुकीत शिंदेंच्या शिवसेनेला ७५ जागा मिळाल्या आहेत. तर युतीत लढलेल्या भाजपला २८ जागा मिळाल्यानंतर भाजपने महापौर पदावर दावा केला करत तर आम्हाला वेगळा विचार करावा लागले असा थेट इशारा देखील दिला आहे.
ठाणे महापालिकेचा महापौर हा अनुसूचित जाती प्रवगार्सातील असणार आहे. अनुसूचित जातीसाठी राखीव असलेल्या ९ जागांपैकी ७ जागा शिंदे सेनेकडून तर २ जागा भाजपकडून लढवण्यात आल्या आहेत. शिंदेंच्या शिवसेनेकडून महापौर पदासाठीची नावे पुढे आली असताना भाजपने महापौर पदाची मागणी करून टेन्शन वाढवले आहे.
आम्ही महायुतीत आहोत, परंतु शहराच्या विकासाच्या दृष्टीने आम्हाला देखील संधी उपलब्ध व्हावी अशी अपेक्षा डावखरे यांनी व्यक्त केली आहे. भाजपच्या वाट्याला महापौर पद गेले, तर अनुसूचित जाती प्रवगार्तून निवडून आलेले भाजपचे दोन नगरसेवक चर्चेत आहेत. प्रभाग क्रमांक १५ (अ) मधून सुरेश कांबळे तर प्रभाग २२ (अ) महिला मधून उषा वाघ यांनी विजय मिळवला आहे. या दोघांची नावे भाजपकडून पुढे आली आहेत.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.