Pratap Sarnaik : मीरा-भाईंदरचा पराभव जिव्हारी, प्रताप सरनाईकांनी मनातील खंत बोलून दाखवली, 'मराठी-अमराठी वादाचा...'

प्रकाश लिमये

Pratap Sarnaik News : मीरा भाईंदर महापालिका निवडणुकीत मंत्री प्रताप सरनाईक यांना धक्कादायक पराभवाला समारे जावे लागले. भाजपने ही महापालिका जिंकली. या पराभवानंतर पराभवाचे विश्लेषन करताना सरनाईक म्हणाले, 'शहरात झालेल्या मराठी - अमराठी वादाचा फायदा ठाकरे गटाला व मनसेला झाला तर हिंदी मुस्लिम वादाचा लाभ भाजपला झाला.'

ठाकरे गटाने केलेल्या मत विभागणी मुळे शिवसेनेला तब्बल २४ जागांवर पराभवाचा सामना करावा लागला. या पार्श्वभूमीवर सरनाईक यांनी हे मत व्यक्त केले.

काही महिन्यांपूर्वी मीरा रोड येथे एका अमराठी व्यापाऱ्याला मराठी बोलता येत नसल्याने मनसेच्या कार्यकर्त्यांनी मारहाण केली होती. यावरून शहरात मराठी विरुद्ध अमराठी असा वाद निर्माण झाला होता. यात मनसे ,ठाकरे गट व मराठी एकीकरण समिती यांनी आक्रमक भूमिका घेतली होती. खुद्द राज ठाकरे यांची या प्रकरणावर मिरा रोड मध्ये जाहीर सभा झाली होती.

या संपूर्ण प्रकरणामुळे येथील मराठी मतदार मनसे व ठाकरे गटाच्या पाठी उभा राहिला त्यात शिंदेंच्या शिवसेनेचे नुकसान झाले. दुसरीकडे दोन वर्षापूर्वी मिरा रोड मध्ये हिंदू मुस्लिम वाद होऊन वातावरण तणावपूर्ण बनले होते. त्यावेळी भाजपाच्या बाहेरुन आलेल्या नेत्यांनी भडकाऊ वक्तव्य केली होती. त्याचा फायदा महापालिका निवडणुकीत भाजपला झाला. शिवसेना मात्र केवळ शहरात झालेल्या विकास कामांवरच बोलत राहिली. त्यामुळे शिवसेनेला अपेक्षित यश मिळाले नाही असे सरनाईक म्हणाले.

लोकांचा विश्वास पुन्हा संपादन करू

मतदारांनी दिलेला कौल आपल्याला मान्य असून त्याबद्दल नाराजी नाही. आगामी पाच लोकांसाठी काम करून त्यांचा विश्वास संपादन करू. शहराच्या विकासासाठी आले तर भाजपला सोबत घेऊ मात्र महापालिकेच्या माध्यमातून लोकांना त्रास देण्याचा प्रयत्न झाला तर त्याविरोधात रस्त्यावर उतरू असा इशाराही सरनाईक यांनी यावेळी दिला. राज्य सरकारने दिलेल्या निधीतून सुरू असलेल्या विकास