Mumbai News: राष्ट्रवादी काँग्रेसचे आमदार रोहित पवार यांच्या 'बारामती ॲग्रो'मधील दोन प्लांट 72 तासांमध्ये बंद करण्याची नोटीस महाराष्ट्र प्रदूषण नियंत्रण मंडळाने दिली होती. मात्र, आता या प्रकरणात मुंबई हायकोर्टाने रोहित पवारांना मोठा दिलासा दिला आहे.
'बारामती ॲग्रो'मधील प्लांट बंद करण्याचा प्रदूषण नियंत्रण मंडळाचा निर्णय अवाजवी असल्याचे निरीक्षण नोंदवत मुंबई हायकोर्टाने प्लांट बंदीची नोटीस रद्द ठरवली आहे. तसेच प्रदूषण नियंत्रण मंडळाने पुन्हा एकदा पाहणी करून जे आक्षेप असतील त्यावर नवी नोटीस जारी करण्याचे निर्देश दिले आहेत. प्रदूषण नियंत्रण मंडळाने नवी नोटीस जारी केल्यानंतर 'बारामती ॲग्रो'ला नव्या नोटिशीवर उत्तर देण्यासाठी 15 दिवसांची मुदत देण्याचे आदेशही देण्यात आले आहेत.
(राजकारणातील महत्त्वाच्या बातम्यांचे अपडेट्ससाठी सरकारनामाचे अधिकृत WhatsApp चॅनल फॉलो करा!)
महाराष्ट्र प्रदूषण नियंत्रण मंडळाने 'बारामती ॲग्रो'मधील दोन प्लांट बंद करण्याबाबत केलेल्या कारवाई विरोधात हायकोर्टात याचिका दाखल करण्यात आली होती. त्यानंतर सुनावणीपर्यंत महाराष्ट्र प्रदूषण नियंत्रण मंडळाने कुठलीही कारवाई करू नये, असे निर्देश हायकोर्टाने दिले होते. अखेर गुरुवारी या प्रकरणावर पुन्हा सुनावणी झाली, या वेळी मुंबई हायकोर्टाने रोहित पवारांना दिलासा दिला.
तसेच प्रदूषण नियंत्रक मंडळाने पुन्हा एकदा तपासणी करावी, त्यामध्ये जर आक्षेप असतील थर त्यावर नवी नोटीस जारी करावी, तसेच 'बारामती ॲग्रो' त्या नव्या नोटिशीवर उत्तर देण्यासाठी 15 दिवसांचा कालावधी देण्यात यावा, त्यानंतर जर समाधानकारक खुलासा नसेल तर कायद्याप्रमाणे कारवाई करण्याचा मार्ग मोकळा असेल, पण बाजू न ऐकता एकतर्फी कारवाई अमान्य आहे, असे मत हायकोर्टाने नोंदवले आहे.
Edited By- Ganesh Thombare
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.