मुंबई : शिवेसना नेते संजय राऊत (Sanjay Raut) यांनी जाहीर केल्याप्रमाणे आज पत्रकार परिषद घेऊन माजी मुख्यमंत्री देवेंद्र फडणवीस (Sanjay Raut on Devendra Fadnavis), किरीट सोमय्या, नील सोमय्या, मोहित कंबोज या भाजपच्या नेत्यांवर विविध आरोप केले. त्यांचा प्रमुख कल हा केंद्रीय यंत्रणांचा वापर करून महाराष्ट्रातील सरकार पाडण्याचा भाजपचा प्रयत्न असल्याचे सांगण्याकडे होता.
केंद्रीय यंत्रणा विशेषतः ईडी कशा पद्धतीने त्रास देत आहे, याची जंत्री राऊत यांनी वाचून दाखवली. ED चे अधिकारी काय करतात, काय खातात, काय पितात हे संपूर्ण देशाला सांगणार. मी घाबरणारा नाही, असे म्हणत त्यांन माझ्या जवळच्या नातेवाईकांना त्रास दिला जात असल्याचे सांगितले. माझ्या मुलीच्या लग्नातील फुलवाले, फटाकेवाले, नेल पाॅलिश करणारे, मेहंदी लावणारे यांच्याकडे ते गेले. माझ्या 55 गुंठे जमिनीचा तपास ईडी करत आहे. एकूण 30 ते 40 लाखांच्या पुढे हा व्यवहार नसेल. माझ्या नातेवाईकांना त्रास देण्याचे काम सुरू आहे. माझ्याविरुद्ध स्टेटमेंट देण्यासाठी त्यांच्यावर दबाव आहे. 12-14 तास त्यांना डांबून ठेवण्यात आले. धमक्या देतायत, दादागिर करतायत. तिहारच्या जेलमध्ये टाकण्याची धमकी देत आहेत, असा आरोप त्यांनी केला.
मुंबईतील 55 प्रतिष्ठित बिल्डरांकडून ईडीच्या नावाखाली वसुली सुरू आहे. मुंबईतील साठ बिल्डरांकडून तीनशे कोटींची वसुली झाली आहे. जितेंद्र चंद्रालाल नवलाणी हा कोण आहे? हे नाव ऐकून दिल्लीतील ईडीच्या लोकांना श्वास रोखेल,असा आऱोप त्यांनी केला. माझ्या जमीन खरेदीची चौकशी करण्यासाठी ईडीच्या मंडळींनी 80 वर्षाच्या वृद्धाला पकडून नेले होते. त्याला वीस वर्षांपूर्वीच्या व्यवहाराविषयी विचारत होते. त्याला काही आठवत नव्हते. तरी त्याला त्रास दिला. तो रडत होता, अशी माहिती राऊत यांनी या पत्रकार परिषदेत दिली.
त्या रात्री मी अमित शहांना फोन केला होता. जे चाललयं ते ठिक नाही, हे मी त्यांना सांगितलं. तुम्ही माझ्या मित्रांना, नातेवाईकांना, मुलांचा छळ करू नका, असे मी त्यांना म्हटले होते. मोदी, शहा हे अभिव्यक्ती स्वातंत्र्याबद्दल नेहमी बोलत असतात. आणीबाणीच्या आठवणी सांगत असतात. हीच तुमची लोकशाही आहे का, असा सवाल राऊत यांनी केला.
PMC बॅंक घोटाळ्याचा तपास ईडी करत आहे. सोमय्या यांच्या भ्रष्टाचाराचे कागद मी ईडीला पाठवले आहेत. हा सोमय्या ईडीच्या कार्यालयात दही आणि खिचडी खातो. तुम्ही तेथे मराठी माणसाला बोलविणार. हे सारे लोक ईडीचे वसुली एजंट बनले आहेत, असा आरोप त्यांनी केला.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.