Shiv Sena MLA Disqualification Result : शिंदे गटाच्या आमदारांना बाळासाहेब भवनात जमण्याचे आदेश!

Thackeray Group Vs Shinde Group

शिवसेना आमदार अपात्रता प्रकरणावर पुढील काही वेळात विधानसभाध्यक्ष राहुल नार्वेकर हे निकाल देणार आहेत. या निकालाकडे संपूर्ण देशाचे लक्ष लागले आहे. दुसरीकडे, शिवसेना शिंदे गट आणि उद्धव ठाकरे गटाच्या नेत्यांची धाकधूकही वाढली आहे.

निकालाच्या पार्श्वभूमीवर शिंदे गटातील सर्व आमदारांना बाळासाहेब भवनात बोलावण्यात आल्याचे सांगण्यात येत आहे. आमदारांना कशासाठी बोलावण्यात आले आहे, याची माहिती अद्याप समोर आलेली नाही. पण निकालानंतर माध्यमांना प्रतिक्रिया देण्यासाठी शिंदे गटातील आमदारांना बाळासाहेब भवनात येण्यास सांगण्यात आले आहे. विधान भवन परिसरात आमदारांनी गर्दी करू नये, अशी सूचना देण्यात आल्याचे बोलले जात आहे. शिंदे गटाचे कार्यालय असलेल्या बाळासाहेब भवनची सुरक्षा वाढवण्यात आली आहे.

आमदार अपात्रता प्रकरणावर विधानसभाध्यक्ष राहुल नार्वेकर काय देणार, याकडे सर्वांचे लक्ष आहे. ही उत्सुकता आता वाढली आहे. यामुळे विधान भवन परिसरात कुठल्याही गटाचा एकही आमदार नाही. परिसरात शांतता आहे. पण निकालानंतर मुंबईतले वातावरण तापण्याची चिन्हे आहेत. पोलिस महासंचालक रश्मी शुक्ला या मुंबईत उपमुख्यमंत्री देवेंद्र फडणवीस यांच्या भेटीसाठी दाखल झाल्या आहेत.

(राजकारणातील महत्त्वाच्या बातम्यांचे अपडेट्ससाठी सरकारनामाचे अधिकृत WhatsApp चॅनल फॉलो करा!)

निकाल आमच्या बाजूने लागणार, असा दावा शिंदे गटाकडून करण्यात आला आहे, तर ठाकरे गटाने ही मॅच फिक्सिंग असल्याचा आरोप केला आहे. मात्र निकाल आता काही वेळातच लागणार असल्याने सर्वांची धाकधूक वाढली आहे.

R...