Akshay Shinde Encounter Case : उल्हासनगरमध्ये तणाव! अक्षय शिंदेच्या अंत्यसंस्काराला विरोध

Akshay Shinde Encounter Case : दोन लहान मुलींवर अत्याचार प्रकरणात अटक असलेल्या आरोपी अक्षय शिंदे याचा एन्काऊंटर पोलिसांनी केला होता. आज (रविवारी) उल्हानसगरमधील शांतीनगर स्मशानभूमीत अक्षयचा दफणविधी करण्यात येणार होता. मात्र, इथल्या स्थानिकांनी अक्षयचा दफनविधी शांतीनगर स्मशानभूमीत करण्यास विरोध केला. त्यामुळे पोलिस आणि स्थानिकांमध्ये तणाव निर्माण झाला होता. पोलिसांमध्ये आणि स्मशानभूमीच्या बाहेर आंदोलन करणाऱ्यांमध्ये झटापट देखील झाली.

अक्षय शिंदेंचा सात दिवसांपूर्वी एन्काऊंटर पोलिसांनी केला होता. मात्र, या प्रकरणात अक्षयचे आई वडील कोर्टात गेले होते. भविष्यात पुन्हा अक्षयच्या मृतदेहाची तपासणी करावनी लागेल त्यामुळे त्यांचा मृतदेह न जाळता दफण करण्याच्या निर्णय घेण्यात आला होता.

अक्षयचा मृतदेहाच्या दफन करण्यासाठी बदलापूर आणि इतर स्मशानभूमीमध्ये विरोध केला जात होता. त्यामुळे पोलिसांकडून स्मशानभूमीचा शोध घेण्यात येत होता. उल्हासनगरमधील शांतीनगर स्मशानभूमीत अक्षयचा मृतदेह दफण करण्याचा निर्णय घेण्यात आला होता. मात्र, ही माहीत मिळताच मोठ्या संख्येने नागरिक शांतीनगर स्मशानभूमीच्या बाहेर जमले होते. त्यांनी अक्षयचा दफनभूमी येथे करण्यास विरोध केला.

पोलिसांमध्ये आणि स्थानिकांमध्ये तणावाचे वातवरण निर्माण झाले होते. पोलिसांनी स्मशानबाहेर असलेल्या सर्वांना तेथून जाण्याची आव्हान करत जाण्याचे आव्हान केले.