Ulhasnagar News : स्थानिक स्वराज संस्था निवडणुकीत एकमेकाचे कार्यकर्ते, पदाधिकारी पळवापळवी होत असल्याचे दिसत आहे. एकनाथ शिंदे यांचे पदाधिकारी हे भाजपमध्ये प्रवेश केल्याने ठाणे जिल्ह्यात काही ठिकाणी महायुतीत तणाव देखील निर्माण झाला. दरम्यान, एकनाथ शिंदेंची शिवेसना सोडून भाजपमध्ये प्रवेश करणाऱ्या माजी नगरसेविकेच्या पतीला उल्हासनगरमध्ये मारहाण करण्यात आली.
राजकीय सूड भावनेतून काही दिवासंपूर्वी भाजपचे प्रदेशाध्यक्ष रवींद्र चव्हाण यांच्या उपस्थित भाजपमध्ये प्रवेश करणाऱ्या माजी नगरसेविका शुभांगी बेहनवाल यांचे पती मनोहर बेहनवाल यांना मारहाण झाली आहे.
मनोहर हे हिराघाट परिसरात असताना सचिन आहेर आणि त्याच्यासोबत पाच ते सहा जण अचानक त्यांच्यावर हल्ला करत लाथबुक्यांनी मारहाण केली, शिवीगाळ केली.तसेच राजेंद्र चौधरी यांच्या विरोधात काम करतोस काय, असा जाब देखील विचारला. शिलरत्न जाधव आणि रतन उर्फ बाळा गायकवाड यांच्य सांगण्यावरून मनोहर यांना मारहाण करण्यात आल्याचा आरोप करण्यात आला आहे.
मनोहर यांनी मध्यवर्ती पोलिस ठाण्यात या प्रकरणी फिर्याद दिली आहे. पोलिसांनी गुन्हा नोंदवला असून या प्रकरणी ते अधिक तपास करत आहेत. मात्र, निवडणुकीच्या आधी घडलेल्या या प्रकरामुळे उल्हासनगरमध्ये सूडाचे प्रकार वाढण्याची भीती व्यक्त केली जात आहे.
उल्हारनगर शहरात भाजप आणि शिवसेनेत एकमेकांचे कार्यकर्ते पदाधिकारी एकमेकांकडे खेचण्याची चढाओढ लागली आहे. त्यामुळे भाजप-शिवसेनेच्या स्थानिक नेत्यांमध्ये तणाव आहे. मनोहर यांच्या मारहाणीमुळे या तणावाचा उद्रेक झाल्याचे बोलले जात आहे. निवडणूक जशी जवळ येईल तसे वातावरण अधिक चिघळण्याची भीती देखील व्यक्त केली जात आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.