Narendra Modi : मोदींच्या सत्कारावेळी शिंदे-फडणवीसांमध्ये रंगला 'पहले आप'चा खेळ; पाहा व्हिडिओ!

Narendra Modi News : आज मुंबईच्या दौऱ्यावर पंतप्रधान नरेंद्र मोदी आले आहेत. मोदींच्या हस्ते मुंबईतील विविध विकास कामं व लोकार्पण झाले. यानंतर आज मोदी यांची बीकेसी मैदानात मोदी यांची सभा पार पडली. दरम्यान यावेळी सभेच्या मंचावर राजकीय नाट्य पाहायला मिळाले. मोदींचे सत्कार करताना मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांच्यामध्ये मोदींचे सत्कार करणयासाठी 'पहले आप, पहले आप' असा खेळ रंगला.

नरेंद्र मोदींचे बीकेसी मैदानावर होणाऱ्या सभेच्या मंचावर आगमन झाले. मंचावर मोदींसह इतर नेतेही विराजमान झाले. या वेळी कार्यक्रमाचया निवेदिकेने मोदींचे स्वागत होईल असे निवेदन केले. यावेळी मोदी सत्कारासाठी उभे राहिले असता, शिंदे यांच्याकडे मोदींना परिधान करण्यासाठी फेटा होता, तर फडणवीस यांच्याकडे शाल होती.

मोदींचा सत्कार करण्यासाठी शिंदे आणि फडणवीस दोघेही एकमेकांना खुणावत होते. आपण पहिल्यांदा मोदींचा सत्कार करा असे शिंदे -फडणवीस एकमेकांना इशारा करून सांगत होते. अखेर शिंदेंनी पहिल्यांदा मोदींना फेटा घालून त्यांचा सत्कार केला तर, त्यानंतर फडणवीसांनी मोदींना शाल घालून सत्कार केला. मात्र यामुळे काही क्षणांसाठी शिंदे -फडणवीसांमध्ये रंगलेल्या 'पहले आप पहले आप'ची आता चर्चा होऊ लागली आहे.