Kabutarkhana News: दादरच्या कबुतरखान्याजवळ मोठा राडा; जैन समाज रस्त्यावर,ताडपत्री फाडली

Kabutarkhana, Dadar, Jain community protest, : दादरमधील कबुतरखाना हटवण्यासवरुन जैन समाज रस्त्यावर उतरला आहे. मुंबई महापालिका प्रशासनाने टाकलेली ताडपत्री हटवण्यात आली आहे. यावरुन वाद रंगला आहे.

ताडपत्री काढत असताना पोलीस आणि जैन समाज याच्यात शाब्दीक बाचाबाची झाली. दादरच्या रस्त्यावर जैन समाज उतरला आहे. महिलांचा यात लक्षणीय सहभाग आहे. महिलांनी ताडपत्री फाडून आत प्रवेश केला. हा कबुतरखाना पुन्हा सुरु करावा, अशी विनंती जैन समाजाने राज्य सरकारला केली आहे.

दादरमधील ऐतिहासिक कबुतरखान्याला वाचवण्यासाठी आज सर्वधर्मीयांकडून प्रार्थना सभेचं आयोजन करण्यात आलं होते. पण ही सभा रद्द करण्यात आली. सकाळी साडेदहा वाजण्याच्या सुमारात अचानक कबुतरखाना परिसरात गर्दी झाली.

महिलांनी कबुरतखाना परिसराला लावलेल्या ताडपत्रीचे बांबू तोडले. ताडपत्री फाडली. कबुरतखाना परिसरात महिलांनी ठिय्या मारला. मुंबई महापालिका, राज्य सरकारच्या विरोधात घोषणा दिल्या. पोलिसांनी हस्तक्षेप करुन आंदोलकांना अडवले.

आज कबुतरखाना परिसरात जे झाले ते चुकीचे झाले. कायद्या हातात घेऊ नका, असे मंगलप्रभात लोढा यांनी सांगितले. मुंबईकरांनी शांतता राखावा. याबाबत मुख्यमंत्री देवेंद्र फडणवीस यांनी योग्य त्या सूचना दिल्या आहे. हे प्रकरण न्यायप्रविष्ठ आहे, असे लोढा म्हणाले.

उद्या न्यायालयात याबाबत सुनावली आहे, त्यामुळे सर्वांनी शांतता राखावा, अशी विनंती लोढा यांनी आंदोलकांनी केला. त्यानंतर जैन समाजाचे आंदोलन मागे घेतले. जैन समाज या आंदोलनात नव्हता, कुणीतरी बाहेरच्या व्यक्ती आंदोलनात घुसले होते, असे लोढा यांनी माध्यमाच्या प्रतिनिधींना सांगितले.

कबुतरखान्यात दाणे टाकण्यास परवानगी नसताना आज काहींनी दाणे टाकले. मुंबई उच्च न्यायालयाच्या आदेशानुसार मुंबई महापालिकेने ताडपत्री टाकून कबुतर खाना बंद केला होता. असे असताना जैन समाजाकडून तो पुन्हा सुरू करण्याची मागणी करत आक्रमक होताना दिसला.

काय म्हणाले मंगल प्रभात लोढा

आज जैन समाज आक्रमक झाला त्यांनी कबुतरखान्यावर टाकलेली ताडपत्री काढली याला माझं समर्थन नाही पण लोकांना आवाहन करेन की, समता ठेवा असं वागणं बरोबर नाही. मुख्यमंत्र्यांनी जे निर्देश दिले ते योग्य आहे.

मुख्यमंत्री देवेंद्र फडणवीस यांनी यासंदर्भात बैठक घेतली. कबुतरखाना हटवण्याच्या भूमिकेत मधला मार्ग काढून जनतेच्या आरोग्याचाही विचार करणार आहे. यामध्ये कबुतरांनाही इजा झाली नाही पाहिजे. यादृष्टीने महापालिकेला सर्व खबरदारी घेत कारवाई करण्याचे निर्देश दिले आहे.