विधान परिषद पोटनिवडणुकीत महाविकास आघाडीचे दुष्यंत चतुर्वेदी विजयी 

यवतमाळ : विधान परिषद पोटनिवडणुकीसाठी झालेल्या निवडणुकीत  महाविकास आघाडीचे दुष्यंत चतुर्वेदी विजयी झाले. तर भाजप उमेदवार सुमित बाजोरिया यांचा पराभव झाला. 31 जानेवारीला विधान परिषद पोटनिवडणूककीसाठी मतदान झाले मंगळवार (ता.चार) सकाळी जिल्हाधिकारी कार्यालयात मतमोजणीला सुरुवात झाली. 

महाविकास आघाडीचे दुष्यंत चतुर्वेदी यांना 298 मते मिळाली. तर भाजप उमेदवार सुमित बाजोरिया यांना 185 मते मिळाली. सहा मते अवैध निघाली. 489 एकूण मतदार होते. यवतमाळ जिल्हयातील वणी, केळापूर, राळेगांव, यवतमाळ, दारव्हा, पुसद, उमरखेड या सात ठिकाणी मतदान घेण्यात आले होते.

अपक्ष उमेदवारांनी निवडणूक रिंगणातून माघार घेतल्याने ही निवडणूक महाविकास आघाडीचे दुष्यंत चतुर्वेदी आणि भाजपचे उमेदवार सुमित बाजोरिया यांच्यात ही लढत झाली. या निवडणुकीत महाविकास आघाडी आणि भाजप नेत्यांची प्रतिष्ठा पणाला लागली होती. यात चतुर्वेदी यांनी बाजी मारली. कार्यकर्त्यांनी परिसरात एकच जल्लोष केला.