जळगाव : जळगाव जिल्ह्यात `कोरोना' रुग्णांची संख्या वाढतेय, अशा स्थितीत जिल्हा वैद्यकिय महाविद्यालयात केवळ चार व्हेंटीलेंटर आहेत. त्यामुळे अधिक व्हेंटीलेटर त्वरीत खरेदी करावेत यासाठी आपण थेट मुख्यमंत्र्यांनाही पत्रव्यवहार केला. परंतु तेसुद्धा दखल घेत नाहीत, त्यामुळे जिल्ह्याची परिस्थिती गंभीर होण्याचा धोका आहे, असा गंभीर आरोप राज्याचे माजी वैद्यकिय शिक्षण मंत्री व भाजप नेते गिरीश महाजन यांनी `सरकारनामा'शी बोलताना केला.
याबाबत बोलताना गिरीश महाजन म्हणाले, की जळगाव जिल्ह्यात `कोरोना' पॉझीटीव्ह रूग्णांची संख्या वाढत आहे. तब्बल 52 रूग्ण पॉझिटीव्ह आहेत. त्यामुळे स्थिती अत्यंत गंभीर आहे. अशा स्थितीत व्हेंटीलेटरचीही गरज लागू शकते. आजच्या स्थितीत जिल्हा वैद्यकिय महाविद्यालयाकडे केवळ चारच व्हेंटीलेटर आहे. त्यामुळे अधिक व्हेंटीलेटर तातडीने खरेदी करावेत अशी मागणी आपण केली आहे. मात्र शासनाने त्यात दिरंगाई करीत आहे. सद्याची आणिबाणीची परिस्थिती लक्षात घेता कोणतीही निविदा प्रक्रिया न करता थेट व्हेंटीलेटर खरेदीची गरज आहे. परंतु शासन सर्व या प्रक्रियेत वेळ घालवित आहेत.
जळगाव जिल्ह्यात रूग्ण वाढत असल्यामुळे आपण व्हेंटीलेटर तातडीने खरेदी करावेत अशी मागणी केली आहे. याबाबत सचिवाना पत्र लिहले तसेच मुख्यमंत्री उद्धव ठाकरे यांनाही याबाबत आपण चार ते पाच पत्र दिले आहे. परंतु त्याबाबत शासनाकडून कोणतीही प्रतिक्रीया नाही. आपल्या पत्राबाबत कोणतेही उत्तर अद्यापही देण्यात आलेले नाही. आपल्याला उत्तर न दिल्याचा कोणताही राग नाही. परंतु जळगाव जिल्हयात "कोरोना'रूग्णांची वाढती संख्या लक्षात घेता भविष्यात कठीण परिस्थिती निर्माण होवू शकते. केवळ चार व्हेंटीलेटरवर ते शक्‍य होवू शकणार नाही. त्यामुळे शासनाने अलर्ट राहणे गरजेचे आहे. त्याच हेतुने आपण व्हेंटीलेंटर खरेदीची प्रक्रिया तातडीने व्हावी हीच आपली अपेक्षा आहे. निवीदा प्रक्रिया न करता थेट खरेदीची प्रक्रिया करण्यात यावी. त्यामुळे हे व्हेंटीलेटर रूग्णालयास तातडीने उपलब्ध होतील, असेही त्यांनी म्हटले आहे.
आपण वैद्यकिय शिक्षण विभाग खात्याचे माजी मंत्री आहोत. त्या दृष्टीने आपण शासनाला सूचना केल्या होत्या. त्यामुळे आपल्या पत्राची दखल घेणे गरज होते. आपण आज विरोधी पक्षात आहोत त्यामुळे जर मुख्यमंत्री व शासनाचे अधिकारी आमच्या पत्राची दखल घेत नसतील तर ते अयोग्य आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.