Delhi Income Tax Office : मोठी बातमी ! दिल्लीत इन्कम टॅक्स ऑफिसला आग

Delhi Fire News : दिल्लीतील इन्कम टॅक्स विभागाच्या ऑफिसला मंगळवारी (ता. 14) आग लागल्याची माहिती समोर येत आहे. ही आग मोठ्या प्रमाणात असून ती नियंत्रणात आणण्यासाठी अग्निशमन दलाचे युद्ध पातळीवर प्रयत्न सुरू आहेत. त्यासाठी फायरब्रिगेडच्या दहापेक्षा जास्त गाड्या घटनास्थळी दाखल झाल्या आहेत. यास अग्निशमन दलाचाही दुजोरा मिळाला आहे.

दिल्ली अग्निशमन दलाच्या अधिकाऱ्यांनी सांगितले, की आम्हाला दुपारी तीन वाजून सात मिनिटांनी इन्कम टॅक्सचे ऑफिस असलेल्या सीआर बिल्डिंगला आग लागल्याची माहिती मिळाली. त्यानुसार अग्निशमन दलाच्या एकूण 21 तुकड्या घटनास्थळी रवाना केल्या. तेथील स्थिती नियंत्रणात आणण्यासाठी आणि कायदा व सुव्यवस्थेसाठी स्थानिक पोलिसांनाही याबाबत कळवले आहे, असेही अधिकाऱ्यांनी स्पष्ट केले.

इन्कम टॅक्सचे ऑफिस असलेली इमारत जुन्या पोलिस मुख्यालयासमोर आहे. दरम्यान, या आगीचा व्हिडिओ सोशल मीडियावर व्हायरल झाला आहे. त्यात इमारतीतील रहिवासी आगीतून बाहेर पडताना खिडकीच्या कठड्यावर आसरा घेताना दिसत आहेत. जवानांनी त्यांना बाहेर काढण्यासाठी युद्धपातळीवर हालचाली केल्या.

दरम्यान, आगीची माहिती मिळताच अग्निशमन दल घटनास्थळी दाखल झाले. अग्निशमन दलाच्या जवानांनी खबरदारीचा उपाय म्हणून इमारत तातडीने रिकामी केली. इमारतीच्या तिसऱ्या मजल्यावर आग लागल्याची माहिती आहे. आगीचे कारण आणि किती प्रमाणात आग लागली याबाबतचा अधिक तपशील अद्याप समोर आलेला नाही. आतापर्यंत या घटनेत कोणतीही जीवितहानी झाली नाही.