UPSC Vacancy 2025 : लेखी परीक्षा न देता मंत्रालयात मिळवा नोकरी; अर्ज करण्यासाठी उरले थोडेच दिवस... इथे वाचा माहिती...

केंद्रीय लोकसेवा आयोग (UPSC) मार्फत 2025 साठी विविध मंत्रालयांमध्ये अधिकारी पदांच्या भरतीची अधिकृत घोषणा करण्यात आली आहे. ही भरती संरक्षण मंत्रालय, कृषी आणि शेतकरी कल्याण मंत्रालय, तसेच कायदा आणि न्याय मंत्रालय यासारख्या महत्त्वाच्या विभागांमध्ये केली जाणार आहे. अधिकारी स्तरावरील या पद भरतीमुळे इच्छुक उमेदवारांसाठी एक उत्तम संधी उपलब्ध झाली आहे. कोणत्या विभागात कोणती रिक्त जागा बाहेर आली आहे? रिक्त जागा किती आहे? ते पाहू.

यूपीएससी रिक्त जागा

या भरतीद्वारे, यूपीएससी सिस्टम अॅनालिस्ट, डेप्युटी कंट्रोलर ऑफ एक्सप्लोझिव्हज, असिस्टंट इंजिनिअर आणि इतर पदांसाठी भरती करत आहे.

अर्ज प्रक्रिया सुरू

या भरतीसाठी ऑनलाइन अर्ज भरण्याची प्रक्रिया 12 एप्रिल 2025 पासून सुरू झाली आहे. इच्छुक आणि पात्र उमेदवारांनी UPSC च्या अधिकृत वेबसाइटवर upsconline.gov.in जाऊन अर्ज करणे आवश्यक आहे.

अर्ज करण्याची अंतिम तारीख

अर्ज करण्यासाठी 2 मे 2025 ही शेवटची तारीख निश्चित करण्यात आली आहे. त्या तारखेनंतर ऑनलाइन अर्जाची लिंक बंद केली जाईल. त्यामुळे उमेदवारांनी शेवटची तारीख येण्याची वाट न पाहता, लवकरात लवकर अर्ज प्रक्रिया पूर्ण करावी.

महत्वाचे मुद्दे:

• भरती विविध मंत्रालयांमध्ये अधिकारी स्तरावर.

• अर्ज प्रक्रिया 12 एप्रिलपासून सुरू.

• अर्ज करण्याची अंतिम मुदत: 2 मे 2025.

• अर्ज फक्त upsconline.gov.in या वेबसाइटवरून स्वीकारले जातील.

पात्रता

या सर्व पदांवरील नोकऱ्यांसाठी संघ लोकसेवा आयोगाने वेगवेगळ्या पात्रता विहित केल्या आहेत. उमेदवारांकडे पदानुसार एमसीए/एमएससी (आयटी)/बीई/बी.टेक/एलएलएम/एलएलबी इत्यादी शैक्षणिक पात्रता असणे आवश्यक आहे. तसेच, पदानुसार, २ वर्ष ते ७ वर्षांचा कामाचा अनुभव असावा. उमेदवार अधिसूचनेतून पात्रतेबाबत तपशीलवार माहिती देखील तपासू शकतात. डाउनलोड करा-

वयोमर्यादा: राखीव प्रवर्गांना नियमांनुसार वर नमूद केलेल्या वयोमर्यादेत सूट दिली जाईल.

पगार: या पदांसाठी निवडलेल्या उमेदवारांना लेव्हल ७ ते लेव्हल १० नुसार पगार मिळेल.

निवड प्रक्रिया- मुलाखत. अर्जात भरलेल्या माहितीच्या आधारे, उमेदवारांना मुलाखतीसाठी शॉर्टलिस्ट केले जाईल. लेखी परीक्षा घेतली जाणार नाही.