Siddharth Shirole : शिवाजीनगरमधील भाजपच्या विजयाचा मार्ग सोपा; तो कसा? आमदार शिरोळेंनी सांगितला

Pune News : पुण्यातील शिवाजीनगर मतदार संघात भाजपच्या ताब्यात आहे. परंतु यंदा तिथं निवडणूक अधिकच सोपी आहे, असे भाजपचे तिथले आमदार सिद्धार्थ शिरोळे यांनी दावा केला.

विजयाचा गुलाल कसा घेऊन याचाचं, याची रणनीती देखील सांगितली. तशी ती ठरवली असून, त्यावर अनेक दिवसांपासून काम सुरू आहे. मतदार संघात यासाठी अधिकाधिक गुंतून घेतलं आहे, आणि हाच माझ्या विजयाचा मार्ग असेल', असा दावा आमदार शिरोळे यांनी छातीठोकपणे केला आहे.

'सरकारनामा'च्या 'सकाळचा चहा' सदरखाली झालेल्या मुलाखतीत भाजप (BJP) आमदार शिरोळे यांनी दिलखुलास गप्पा मारल्या. नगरसेवक ते आमदार, असा त्यांचा 13 वर्षांचा राजकीय प्रवास त्यांनी उलगडला. यात त्यांनी शिक्षण, राजकीय वाटचाल, पक्ष संघटन, नागरिकरण, बदलते मतदार, पक्षाचे निर्णय, प्रशासन, राजकीय वारसा, राजकीय आव्हानं, यावर मनमोकळ्या गप्पा मारल्या.

पुण्यातील वाढत्या शहरीकरणामुळे शिवाजीनगर मतदार संघामधील बदलती राजकीय गणितं आणि आव्हानं वेगळी असणार आहे आणि यंदाच्या निवडणुकीला समोरे जाताना ती सोपी नसेल, हे देखील त्यांनी आवर्जुन सांगितलं. पण, मतदार संघात उभारलेलं संघटनात्मक जाळं विजय करून देईल, असा आत्मविश्वास त्यांनी व्यक्त केला.

पुण्यातील (Pune) शिवाजीनगर विधानसभा मतदार संघात आगामी विधानसभा निवडणुकीसाठी भाजपने वातावरण निर्मितीच केलेली नाही, तर प्रत्यक्षात ग्राऊंडवर काम केलं आहे. यातून विरोधकांकडून भाजपविरोधात नकारात्मक वातावरण तयार केले, जात आहे. नरेटिव्ह तयार केला जात आहे. त्यातला हा प्रकार आहे. तो जास्त काळ टिकत नसतो. पण हा नरेटिव्ह परतून लावण्याचे काम, प्रत्यक्ष कामातून केलं आहे. त्यामुळे शिवाजीनगर मतदार संघात विजय भाजपचाच होईल आणि ते विजयाचं गणित भाजप आमदार सिद्धार्थ शिरोळे यांनी अगदी सोप्यापद्धतीनं उलगडून सांगितलं.