Case Registered Against Sachin Dodke : मारहाण, शिवीगाळ करून धमकी दिल्याप्रकरणी पुण्यातील राष्ट्रवादी काँग्रेसचे माजी नगरसेवक सचिन दोडके (Sachin Dodke) यांच्या विरोधात गुन्हा दाखल करण्यात आला आहे. राष्ट्रवादी काँग्रेसच्या खासदार सुप्रिया सुळे (Supriya Sule) यांचे निकवर्तीय म्हणून सचिन दोडेके यांची ओळख आहे.
सचिन दोडके यांच्यासह पाच ते सहा जणांवर मारहाण तसेच शिवीगाळ करून धमकी दिल्याप्रकरणी गुन्हा दाखल करण्यात आला आहे. याप्रकरणी वारजे पोलिस ठाण्यात भाजपचे कार्यकर्ते वासुदेव भोसले यांनी फिर्याद दिली आहे.
भाजप कार्यकर्ते वासुदेव भोसले यांनी दिलेल्या फिर्यादीनुसार, गेल्या मंगळवारी संध्याकाळी साडेसात वाजता वारजे भागात असलेल्या आरएमडी कॉलेज ते साई सयाजी नगर येथे एक भुयारी मार्ग (बोगदा) आहे. त्या ठिकाणी खडकवासला लोकसभा मतदारसंघाचे आमदार भीमराव तापकीर यांच्या निधीतून काम सुरु आहे.
या ठिकाणी सचिन दोडके, संजय दोडके आणि त्यांचे इतर कार्यकर्ते पोहचले. त्यांनी भोसले यांना शिवीगाळ करायला सुरुवात केली आणि यातच संजय दोडके यांनी हातात बांबू घेऊन भोसले यांच्या अंगावर जाऊन जिवे मारण्याची धमकी दिली. याठिकाणी असलेल्या कामगारांना सुद्धा मारहाण केल्याचा आरोप भोसले यांनी केला आहे.
सरकारनामाचे सदस्य व्हा
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.