DSK News Update: डीएसकेंचा पाय खोलात; 590 कोटींच्या अपहारप्रकरणी CBI कडून दोन गुन्हे दाखल

CBI registered two cases against DSK : बांधकाम व्यावसायिक दीपक कुलकर्णी (DSK) यांच्याविरोधात सीबीआयने दोन गुन्हे दाखल केले आहेत.सामान्य गुंतवणूकदारांची फसवणूक केल्याप्रकरणी अटकेत असलेले बिल्डर डी. एस. कुलकर्णी यांच्याविरोधात 590 कोटी रुपयांची फसवणूक केल्याचा आरोप करण्यात आला आहे. (CBI registered two cases against builder Deepak Kulkarni (DSK) )

सीबीआयकडून मिळालेल्या माहितीनुसार, डीएसकेंवर दोन स्वतंत्र गुन्हे दाखल करण्यात आले आहेत. १ जुलै २०२० रोजी स्टेट बँकेने दिलेल्या लेखी पत्राच्या आधारे पहिला गुन्हा हा दाखल करण्यात आला आहे. यानुसार, सिंडिकेट बँक, बँक ऑफ महाराष्ट्र, स्टेट बँक, युनियन बँक ऑफ इंडिया, आयडीबीआय आदी बँकांनी कुलकर्णी यांच्या कंपनीला एकूण ६५० कोटी रुपयांचे कर्ज दिले होते. यातील ४३३ कोटी रुपयांचे कर्ज थकले आहे. (Maharashtra Politics)

तर १ फेब्रुवारी २०२२ रोजी सेन्ट्रल बँक ऑफ इंडियाने दिलेल्या लेखी पत्राच्या आधारे दुसरा गुन्हा दाखल करण्यात आला आहे. डीएसकेंच्या समूहाची उपकंपनी असलेल्या डी. एस. के. ग्लोबल एज्युकेशन अँड रिसर्च लि. या कंपनीविरोधात दाखल करण्यात आला आहे. या कंपनीने अंदाजे १५६ कोटी रुपयांचे गैरव्यवहार केल्याचा आरोप कऱण्यात आला आहे. ही कंपनी डिझायनिंग, गेमिंग, ॲनिमेशन आदींचे प्रशिक्षण देणारी ही कंपनी होती.

कंपनीने आपल्या ताळेबंदात नमूद केल्या प्रमाणे, कंपनीच्या उत्पन्नातील 60 टक्के रक्कम कर्मचाऱ्यांच्या पगारावर खर्च करण्यात आली आहे.मात्र, कर्मचाऱ्यांच्या बँक खात्यात कोणत्याही नोंदी झाल्याने आढळून आलेले नाही. ज्या उद्देशासाठी कंपनीला कर्ज दिले होते त्याऐवजी कंपनीने कर्जातून मिळालेली रक्कम मूळ कंपनीचे कर्ज फेडण्यासाठी वापरल्याचे तपासात आढळून आले आहे.

इतकेच नव्हे तर स्टेट बँकेने केल्या फोरेन्सिक ऑडिट मध्ये कंपनीत मोठ्या प्रमाणावर व्हेंडर कंपन्यांसोबत त्यांनी पैशांचा व्यवहार केल्याचे दाखवण्यात आले आहे. पण ज्या कंपन्यांना त्यांनी हे पैसे दिल्याचा दावा केला, त्या कंपन्यांचा पत्ता देखील डी.एस.कुलकर्णी यांच्या कंपन्यांचा असल्याचे तपासात निष्पन्न  झाले आहे.