Koregaon Bhima Shaurya Din : "जनतेच्या मतावर निवडून आले..."; मुख्यमंत्री अन् उपमुख्यमंत्री कोरेगाव-भीमाला न आल्याने आंबेडकरांची नाराजी

Pune News, 01 Jan : पुणे जिल्ह्यातील कोरेगाव भीमा (Koregaon Bhima) येथे दरवर्षी शौर्य दिन साजरा करण्यात येतो, येथील विजयस्तंभला अभिवादन करण्यासाठी राज्याचे उपमुख्यमंत्री पहाटेच येत असतात. मात्र, यंदा दोन्ही उपमुख्यमंत्र्यांनी या ठिकाणी हजेरी लावली नसल्याने आनंदराज आंबेडकर यांनी नाराजी व्यक्त केली आहे.

विजयस्तंभाला अभिवादन केल्यानंतर आनंदराज आंबेडकर यांनी माध्यमांशी संवाद साधला. आंबेडकर म्हणाले, विजयस्तंभला भेट देण्यासाठी आता फक्त राज्यातूनच नव्हे तर पूर्ण देशभरातून लोक येत असतात. सर्वांसाठी ते एक श्रद्धेचे स्थान आहे. तर यावेळी त्यांनी मुख्यमंत्री आणि उपमुख्यमंत्र्यांनी यांनी आज विजयस्तंभाला भेट दिली नाही याबाबत आनंदराज आंबेडकर यांनी नाराजी व्यक्त केली.

ते म्हणाले, "मुख्यमंत्री आणि उपुख्यमंत्री हे जनतेच्या मतावर निवडून आलेले आहेत. म्हणून ते आज त्या पदावर आहेत. उद्या नसतील त्यांना आजच्या दिवसाचं महत्व वाटत असेल तर त्यांनी यायला पाहिजे. जनतेला कुणीही आमंत्रित करत नाही.

तरीदेखील देशभरातून आणि येतात त्यामुळे कोणत्याही आमंत्रणाशिवाय त्यांना या गोष्टीचे महत्त्व वाटत असेल तर मुख्यमंत्री आणि उपमुख्यमंत्री इथ येतील अशी अपेक्षा आहे, असंही ते यावेळी म्हणाले. दरम्यान, पुण्यातील (Pune) कोरेगाव भीमा येथे आज 207 वा शौर्यदिन साजरा केला जात आहे. शौर्य दिनानिमित्त कोरेगाव भीमा येथे जय्यत तयारी करण्यात आली आहे.

प्रशासकीय यंत्रणांचे चोख नियोजन करण्यात आले असून तगडा पोलिस (Police) बंदोबस्त ठेवण्यात आला आहे. दरवर्षीप्रमाणे या वर्षीही विजय स्तंभावर लाखो अनुयायी अभिवादन करण्यासाठी येणार आहेत. याच पार्श्वभूमीवर आकर्षक फुलांच्या सजावटीसह रोषनाईही करण्यात आली आहे. विजयस्तंभाला यंदा संविधानाच्या प्रतिकृतीची आकर्षक सजावट करण्यात आली आहे.