Pune News : पिंपरी-चिंचवड महानगरपालिकेच्या प्राथमिक व माध्यमिक विभागातील मानधन तत्त्वावरील शिक्षकांच्या नियुक्त्यांना २०२६-२७ या शैक्षणिक वर्षासाठी मंजुरी देण्यात आली आहे. या निर्णयामुळे पालिका शाळांमधील शिक्षकांची कमतरता दूर होऊन विद्यार्थ्यांना मोठा दिलासा मिळणार आहे.
प्राथमिक व माध्यमिक विभागासाठी नियुक्ती
शिक्षण विभागाने दिलेल्या माहितीनुसार, एकूण ३१५ शिक्षकांची नियुक्ती केली जाणार आहे. त्यामध्ये प्राथमिक विभागात २३० शिक्षक तर माध्यमिक विभागात ८५ शिक्षक नेमले जाणार आहेत.
जुन्याच शिक्षकांना पुन्हा संधी
माध्यमिक शाळांमध्ये विविध विषयांच्या शिक्षकांची पदे रिक्त असल्याने अध्यापनावर मोठा ताण निर्माण झाला होता. ही पार्श्वभूमी लक्षात घेता, मागील वर्षी कार्यरत असलेल्या मानधन शिक्षकांच्याच सेवा यापुढे सुरू ठेवण्याचा निर्णय शिक्षण विभागाने घेतला आहे. जारी करण्यात आलेल्या आदेशात शिक्षकांची नावे आणि त्यांच्या नियुक्त असलेल्या शाळांचा सविस्तर तपशील नमूद करण्यात आला आहे.
विद्यार्थ्यांचे शैक्षणिक नुकसान टळणार
नवीन शैक्षणिक वर्षाच्या सुरुवातीला अनेक शाळांमध्ये तासिका नियोजनावर परिणाम होण्याची शक्यता होती. मात्र, या नियुक्त्यांमुळे आता शाळा सुरू झाल्यानंतर मराठी, उर्दू, इंग्रजी, गणित, विज्ञान, सामाजिक शास्त्र आणि भाषा विषयांचे अध्यापन सुरळीत होईल.विद्यार्थ्यांना नियमित अध्यापन मिळेल आणि अभ्यासक्रम वेळेत पूर्ण होण्यास मदत होईल. तसेच गुणवत्तेत वाढ होऊन विद्यार्थ्यांचे कोणतेही शैक्षणिक नुकसान होणार नाही.
नवीन शैक्षणिक वर्षात शिक्षकांची कमतरता भासणार नाही. त्यामुळे प्राथमिक विभागासाठी २३० आणि माध्यमिक विभागासाठी ८५ मानधनावरील शिक्षकांच्या नियुक्त्यांना मंजुरी देण्यात आली आहे. अशी माहिती प्रशासनाने दिली आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.