Pune Election Results Live: पुण्यात भाजपची गाडी सुसाट: तीन उमेदवार विजयी अन् तब्बल 48 जागांवर आघाडी

Pune election result live updates:: पुणे महापालिकेच्या निवडणुकीत पहिला निकाल समोर आला आहे. प्रभाग क्रमांक २० शंकर महाराज मठ बिबवेवाडी प्रभागातून भाजपचे तीन उमेदवार विजयी. भाजपचे राजेंद्र शिळीमकर, तन्वी दिवेकर, मानसी देशपांडे आणि राष्ट्रवादी काँग्रेसचे गौरव घुले विजयी झाले आहेत.गौरव घुले यांनी भाजपचे महेंद्र सुंदेचा यांचा पराभव केला आहे.

राज्यातील महापालिका निवडणुकीच्या मतमोजणीस सुरुवात झाली आहे. पहिला कलांमध्ये भाजप 48 जागांवर आघाडीवर आहे. काँग्रेसने पुण्यात अद्याप खाते उघडलेले नाही. प्रभाग क्रमांक 22 मध्ये काँग्रेसचे 4 उमेदवार आघाडीवर आहेत.

प्रभाग २५ मध्ये दुसऱ्या फेरी अंती भाजपची मोठी आघाडी घेतली आहे. स्वरदा बापट १३ हजार ९०० मतांनी आघाडीवर असून बापू मानकर १४ हजार ५०५ मतांनी आघाडीवर आहेत तर ५३७४ मतांनी स्वप्नाली पंडित आघाडीवर आहेत.

पुणे महापालिका निवडणुकीच्या यंदा ४१ प्रभागांसाठी १६५ जागा आहेत. ४१ प्रभागांमध्ये ४ सदस्यीय ४० प्रभाग आहेत. प्रभाग क्रमांक ३८ हा पाच सदस्यीय आहे. या निवडणुकीत १६५ जागांसाठी १ हजार १५५ उमेदवार रिंगणात आहेत. त्यात अपक्ष उमेदवारांची संख्या २७७ आहे. प्रभाग क्रमांक ३५ मधील भाजपच्या मंजुषा नागपुरे आणि श्रीकांत जगताप यांची बिनविरोध निवड झाली आहे.

१६३ जागांसाठी आता निवडणूक होत आहे. पुरुष मतदारांची संख्या ४४ लाख ९१ हजार ६८, तर महिलांची संख्या ही ४१ लाख ५५ हजार ३३० इतकी आहे. पुण्यात भाजपने आघाडी घेतली असून मध्यवर्ती भागात असणाऱ्या प्रभाग २५ मधून पहिल्या फेरीत भाजपचे संपूर्ण पॅनल आघाडीवर आहे.

पुणे महापालिका निवडणुकीसाठी अनेक प्रभागांमध्ये माजी नगरसेवक एकमेकांच्या विरोधात उभे राहिले आहेत. भाजप , शिंदेसेना, दोन्ही राष्ट्रवादी एकत्र आणि काँग्रेस-उद्धवसेना-मनसे या चौरंगी लढतीमुळे निवडणुकीत रंगत येणार आहे.

भाजप आणि शिंदेसेना स्वबळावर, दोन्ही राष्ट्रवादी काँग्रेसची आघाडी आणि काँग्रेस, उद्धवसेना व मनसे हे एकत्रपणे निवडणुकीला सामोरे जात आहेत. अनेकजण राजकीय पक्ष बदलून निवडणुकीच्या रिंगणात उभे राहिले आहेत.