Alandi Metro Extension : माऊलींच्या भक्तांसाठी खुशखबर! पुण्याची मेट्रो आळंदीपर्यंत आणण्याचं मंत्री मुरलीधर मोहोळ यांचं आश्वासन

Pune News, 26 Aug : महायुती सरकारच्या पुढाकाराने पुण्यातील मेट्रोच्या कामांने चांगलीच गती घेतल्याचं दिसत आहे. शिवाय पुणे मेट्रो हा महायुती सरकारचा ड्रीम प्रोजेक्ट असल्याचं सांगितलं जातं. याच मेट्रोचा लाभ आता आळंदीकरांना देखील घेता येईल, अशी ग्वाही केंद्रीय राज्यमंत्री मुरलीधर मोहोळ यांनी दिली आहे.

राज्यातील प्रमुख तीर्थक्षेत्र असलेल्या आळंदीत हजारो भाविक ये-जा करतात. मात्र, आळंदीला येताना भाविकांना वाहतूक कोंडीचा सामना करावा लागतो. त्यामुळे आता शहरातील वाहतुकीची वाढती कोंडी लक्षात घेता पुणे-आळंदी मेट्रोची गरज जाणवत आहे.

तर पुण्यात मेट्रोचे काम गतीने सुरू आहेत. पुण्यात चालू असून कळस-धानोरी मेट्रो डीपीआर मंजूर झाला आहे. यामध्ये आळंदीचा समावेश केला जाईल आणि केंद्र आणि राज्य शासनाच्या मदतीने हा प्रकल्प आता लवकरच प्रत्यक्षात उतरेल, असं वक्तव्य केंद्रीय मंत्री मुरलीधर मोहोळ यांनी केलं आहे.

त्यांच्या या वक्तव्यामुळे आता माऊली भक्तांना मेट्रोतून प्रवास करण्याची संधी मिळण्याची शक्यता आहे. आळंदीत संत ज्ञानेश्वर महाराजांच्या समाधी मंदिराचे 22 किलो वजनाचा सुवर्ण कलशारोहण करण्यात आले. सुवर्ण कलशासमवेत उभारलेल्या ध्वजाचे पूजन मोहोळ यांच्या हस्ते रविवारी (ता. 24) करण्यात आले. यावेळी त्यांनी आळंदीपर्यंत मेट्रो आणण्याचं आश्वासन दिलं.

ते म्हणाले, "आजूबाजूचा परिसर मोठा विस्तारत चालला आहे. कमी दिवसात सर्वाधिक प्रमाणात नागरीकरण होत आहे, लोकसंख्या वाढत आहे. त्या अनुषंगाने अनेक नागरिक प्रश्न व वाहतूक प्रश्न निर्माण होत आहे. त्यामुळे वाहतुकीचा अडथळा न येता थेट आळंदीला कसे येत येईल, असा भाविक विचार लोक करत आहेत.

तर पुण्यात मेट्रोचे काम चालू आहे. कळस धानोरी मेट्रो डीपीआर मंजूर झाला आहे. त्यामध्ये आळंदीचा समावेश असणार आहे. देवस्थानचा ज्ञानपीठाचा ही विचार मुख्यमंत्री यांनी जाहीर केला आहे."