Pune News : पुणे रेव पार्टी प्रकरणात राष्ट्रवादी काँग्रेस शरदचंद्र पवार पक्षाचे ज्येष्ठ नेते एकनाथ खडसे यांचे जावई आणि रोहिणी खडसे यांचे पती प्रांजल खेवलकर यांना अटक करण्यात आली. खेवलकर यांच्यावरील आरोप खोटे असल्याचा दावा करत त्यांना ट्रप लावून अडकवण्यात आले असल्याचे आरोप रोहिणी खडसे यांनी केला होता. आज त्यांनी शरद पवार यांची भेट घेतली. त्यामुळे या भेटीत काय चर्चा झाली याची माहिती त्यांनी दिली आहे.
माध्यमांशी बोलताना रोहिणी खडसे यांनी स्पष्ट केले की, प्रांजल खेवलकर यांच्या संदर्भात शरद पवारांची भेट घेतली नाही.पक्ष संघटना आणि संघटनेतील नियुक्त संदर्भात भेट घेतली. ही पक्ष संघटनेबाबतची भेट होती. खराडी प्रकरणाबाबत साहेबांना सगळी माहिती आहे, असं देखील रोहिणी खडसे म्हणाल्या.
प्रांजल खेवलकर यांच्या अटकेनंतर महिला आयोगाच्या अध्यक्ष रुपाली चाकणकर यांनी या प्रकरणावर भाष्य करत रोहिणी खडसे यांच्यावर अप्रत्यक्षपणे निशाणा साधला होता. त्यानंतर आता रोहिणी खडसे यांनी देखील चाकणकरांना मी योग्य वेळी प्रत्येकाला उत्तर देणार असल्याचा इशारा दिला.
रोहिणी खडसे म्हणाल्या, प्रांजल खेवलकर यांच्या विरोधात जो गुन्हा दाखल करण्यात आला आहे तो अमली पदार्थ विरोधी कायदे अंतर्गत करण्यात आला आहे. त्यामुळे त्याच अनुषंगाने तपास होणे अपेक्षित आहे. अशा परिस्थितीमध्ये फोनमधील व्हिडिओ आणि इतर गोष्टींचा संबंध येत नाही
'पोलिस आयुक्त कार्यालयामध्ये मी माझ्या पतींना भेटायला गेले होते. एक वकील म्हणून मी त्यांची भेट घेतली कारण दुसऱ्या दिवशी मला कोर्टामध्ये हजर व्हायचे होते. त्यामुळे काही माहिती घेण्यासाठी मी त्यांची भेट घेतली. तसेच त्या ठिकाणी गेले असल्यामुळे पोलिस आयुक्तांना देखील भेटले .', असा खुलासा रोहिणी खडसे यांनी पोलिस आयुक्तांच्या भेटीवर केला आहे.
रोहिणी खडसे यांनी सांगितले की, पोलिसांनी पाळत ठेवून हा सगळा प्रकार केला असा आमचा आरोप होता. मात्र यावर पोलिसांनी खुलासा केला आहे की पाळत ठेवणे हा आमचा हेतू नव्हता. पोलिसांनी आमची भेट घेऊन याबाबत सांगितलं आहे.दरम्यान, आम्हाला जाणूनबुजून टार्गेट करण्यात येत आहे असं म्हणायला जागा आहे. महाराष्ट्रातील प्रत्येकाला या केस बाबत तरी असंच वाटत आहे, असे देखील त्यांनी म्हटले.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.