Manikrao Kokate Controversy: कलेक्टर कचेरीसमोरच रंगला सोरट, जुगार, अन् मटक्‍याचा डाव...
Pune News: विधिमंडळ अधिवेशनात सर्वसामान्य जनतेच्या, शेतकऱ्यांच्या प्रश्नांवर चर्चा सुरु असताना कृषीमंत्री रमी खेळण्यात रंगल्याचे आपण पाहिले. कृषीमंत्री माणिकराव कोकाटे यांच्या या प्रतापावर विरोधी पक्षासह शेतकरी, सामान्य जनतेने संताप व्यक्त केला आहे. त्यांचा निषेध करण्यासाठी पुण्यातील जिल्हाधिकारी कार्यालयासमोरच आज सोरट, जुगार, अन् मटक्‍याचा डाव 'रंगला'
राष्ट्रवादी कॉंग्रेस शरदचंद्र पवार पक्षाकडून माणिकराव कोकाटे यांचा निषेध नोंदवण्यात आला. कार्यकर्त्यांनी जिल्हाधिकारी कार्यालयाच्या प्रवेशद्वारासमोर सोरट, जुगार, मटक्‍याचे साहित्य, नकली नोटा जिल्हाधिकारी कार्यालयासमोर मांडल्या. कोकाटे यांच्या निषेधाचे फलक हातात घेऊन आंदोलन केले. या आंदोलनात महिलांचा सहभाग लक्षणीय होता.
"कृषीमंत्र्यांचा रंगला जुगार, राज्यातील शेतकरी बेजार', "विधानसभेत रंगला रमीचा डाव, कृषिमंत्री चले जाव', "शेतीमालाला नाही किमान हमी, खेलो जंगली रमी', "कोकाटेंचा राजीनामा घ्या, अन्यथा जुगाराला परवानगी देऊन कोकाटेंना मुख्यमंत्री करा' अशा घोषणांनी कार्यकर्त्यांनी जिल्हाधिकारी परिसर दणाणून सोडला.
राष्ट्रवादी कॉंग्रेस शरदचंद्र पवार पक्षाचे शहराध्यक्ष प्रशांत जगताप यांच्या नेतृत्वाखाली कोकाटे यांच्याविरुद्ध आंदोलन करण्यात आले. "मुख्यमंत्री देवेंद्र फडणवीस व उपमुख्यमंत्री अजित पवार त्यांना सांभाळून घेत आहेत. कालपर्यंत आम्ही कोकाटे यांच्या राजीनाम्याची मागणी करत होतो. आता फडणवीस यांनी राजीनामा देऊन कोकाटे यांनी मुख्यमंत्री करावे. ते मुख्यमंत्री झाल्यास जुगार खेळून राज्यावरील कर्ज फेडतील," असा टोला प्रशांत जगताप यानी लगावला.
कोकोटे यांनी अनेक वेळा वादग्रस्त विधाने केली आहेत तरीही मुख्यमंत्री देवेंद्र फडणवीस व उपमुख्यमंत्री अजित पवार त्यांनी त्यांच्यावर कारवाई केली नाही. कालपर्यंत आम्ही कोकाटे यांच्या राजीनाम्याची मागणी करत होतो. आता फडणवीसांनी राजीनामा देऊन कोकाटे यांनी मुख्यमंत्री करावे., कोकोटे मुख्यमंत्री झाल्यास जुगार खेळून राज्यावरील कर्ज फेडतील,' असे टोमणा जगताप यांनी महायुती सरकारला लगावला.
यावेळी माजी आमदार जगन्नाथ शेवाळे, बाळासाहेब जाधव, आसिफ शेख, राजू साने, दीपक कामठे, रोहन पायगुडे, पूजा काटकर, संगीता पवार, दिलशाद आत्तार, मेघा सातव, योगेश पवार, शेखर धावडे आदी उपस्थित होते.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.