Sakal -Saam Ncp Survey : राज्यामध्ये मोठ्या प्रमाणात राजकीय उलथापालत झाली. राष्ट्रवादी काँग्रेसचे नेते अजित पवार यांनी उपमुख्यमंत्री पदाची शपथ घेतली. यामुळे राज्य सरकारमध्ये भाजप (BJP) मुख्यमंत्री एकनाथ शिंदे यांच्या नेतृत्वाखालील शिवसेना आणि राष्ट्रवादी काँग्रेस सहभागी झाली. या सर्व घडामोडींच्या पार्श्वभूमिवर 'सकाळ साम'ने महासर्व्हे कला आहे. त्या माध्यमातून मतदारांचा कल जाणून घेतला आहे.
'सकाळ-साम'ने केलेल्या महासर्व्हेमध्ये राज्यभरातील 74 हजार 330 मतदारांची भूमिका जाणून घेतली आहे. यात विविध पक्षांना मतदान करणाऱ्या विविध वयोगटातील मतदारांचा सहभाग आहे. तसेच ५० टक्के महिलांसह सर्व जाती-धर्मांच्या मतदारांचाही समावेश आहे. यासह विविध व्यवसाय, नोकरी करणाऱ्या आणि आर्थिक स्थितीचाही विचार करण्यात आला आहे.
या सर्वेक्षणासाठी सकाळ संस्थेतील राज्यातील कर्मचाऱ्यांनी फिल्डवर जाऊन लोकांकडून राज्यातील राजकीय स्थितीबाबत उपस्थित झालेल्या विविध प्रश्नांची उत्तरे जाणून घेतली आहेत. या या महासर्व्हेक्षणामध्ये मतदारांनी अनेक प्रश्नांची उत्तरे दिली आहेत. त्या माध्यमातून राज्यातील सध्याची परिस्थिती समोर आली आहे.
या सर्व्हेमध्ये मतदारांना प्रश्न विचारण्यात आला होता की, निवडणुकीनंतर पक्षांतर करणाऱ्या आमदारांबद्दल आपले मत? यावर मतदार म्हणाले, आमदारकीचा राजीनामा देऊन पुन्हा निवडणूक लढवावी असे 38.7 टक्के मतदारांनी म्हटले आहे. तर 13.3 टक्के मतदारांना नेत्यांची राजकीय अपरिहार्यता मान्य आहे. 30.1 टक्के मतदारांनी सांगितले की आमदारांना कायमस्वरुपी निवडणुक लढविण्यावर बंदी आणावी, तर यापैकी नाही, असे 18 टक्के मतदारांनी म्हटले आहे.
यामुळे शिवसेनेत (Shivsena) आणि राष्ट्रवादीमध्ये (NCP) झालेली फूट आणि आमदारांकडून सत्तेत सहभागी होण्यासाठी दिली जाणारी कारणे आवडलेली दिसत नाही. निवडून आल्यानंतर आमदारांनी पक्षांत करुन नये, असेच मतदारांना वाटत असल्याचे या सर्व्हेच्या माध्यातून दिसत आहे.
Edited by : Amol Jaybhaye
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.