Narendra Modi Video : PM मोदींच्या इन्स्टाग्राम व्हिडिओवर अभिजीत दिपकेंची कमेंट, 'तुमची त्वचा...'

Abhijit Dipke News: लोकसभेनंतर राज्यसभेत देखील 'सार्वजनिक परीक्षा संशोधन विधेयक' मंजुर झाले. त्यानंतर गुरुवारी रात्री पंतप्रधान नरेंद्र मोदी यांनी इन्स्टाग्रामवर एक व्हिडिओ जारी करत पेपर लीक माफिया आणि घोटाळेबाजांना इशारा दिला. तरुणांच्या भविष्याशी खेळणाऱ्या एकाही दोषीला सोडले जाणार नाही आणि त्यांच्यावर कडक कायदेशीर होणार असे ते म्हणाले.

पंतप्रधानांच्या या इन्स्टाग्रामवर व्हिडिओवर अनेक कमेंट्स आहेत. त्यांच्या समर्थनार्थ आणि त्यांच्या निर्णयाचे स्वागत अनेकांनी केले आहे. मात्र, या व्हिडिओवरील काॅक्रोच जनता पार्टीचे संस्थापक अभिजित दीपके यांच्या कमेंट्सने अनेकांचे लक्ष वेधून घेतले.

दीपके यांनी मोदींच्या व्हिडिओवर 'देशाच्या भविष्यापेक्षा तुमची त्वचा अधिक चमकतेय', असा सणसणीत टोला लगावला आहे.

मोदी काय म्हणाले?

मोदींनी व्हिडिओ म्हटले आहे की, विद्यार्थ्यांचे हित लक्षात घेत पेपर लीक माफींच्या विरोधात मोठे पाऊल उचलण्यात आले आहे. टास्क फोर्स, फास्ट ट्रक कोर्टाची रचना या विधेयकामध्ये आहे. राज्यांनी केलेल्या सूचनांकडे देखील लक्ष दिले आहे.

पेपर फोडणाऱ्या माफियांना सोडले जाणार नाही. आम्ही संसदेत बील आणले. संसदेच्या दोन्ही सभागृहात सदस्यांनी यावर सविस्तर चर्चा केली. दोन्ही सभागृहात हे बील पास झाले.

राहुल गांधींची टीका

जंतर मंतरवर आंदोलनात सहभागी झालेल्या विद्यार्थ्यांच्या विरोधात गुन्हा देखील केले जात आहे. त्यावरून विरोधी पक्षनेते राहुल गांधी यांनी इशारा दिला आहे. ते म्हणाले, पंतप्रधान मोदी आणि अमित शहा - तुम्ही झेन-झी ला धमकावून गप्प करू शकत नाही. आधी तुम्ही त्यांची हाडे मोडलीत. आता तुम्ही त्यांच्या विरोधात एफआयआर दाखल करत आहात आणि त्यांची खाती बंद करत आहात.तुम्ही भारताचा भूतकाळ आहात. भारताच्या भविष्याशी वागताना सावध राहा.