Sharad Pawar News : सर्व विरोधी पक्ष बिहारमध्ये एकत्र येणार; शरद पवारांनी वाढवलं भाजपचं टेंशन!

Delhi News : राष्ट्रवादी काँग्रेसचा वर्धापन दिन आज १० जून रोजी साजरा होत आहे. पक्षाने २४ वर्षपूर्ण करून आता रौप्य महोत्सवी वर्षात पदार्पण केले आहे. या निमित्ताने आज दिल्लीमध्ये अध्यक्ष शरद पवारांच्या (Sharad Pawar News) उपस्थित उत्साहात पार पडली. यावेळी त्यांनी महत्त्वाच्या घोषणा केल्या आहेत. (Latest Marathi News)

यावेळी शरद पवार म्हणाले, "आज एक ऐतिहासिक दिवस आहे. शेतकरी, दलित, महिला, आदिवासी, अल्पंसंख्यांची रक्षणासाठी आपला पक्ष उभा राहिला. काम करता करता २४ वर्षे पुर्ण झाले आणि आज २५ व्या वर्षात पदार्पण केले. पक्षाच्या आजच्या स्थितीसाठी हजारो जणांनी परिश्रम घेतले. या सर्वांना मला धन्यवाद द्यायचे आहेत. कार्यकर्त्यांच्या परिश्रमामुळे पक्ष आज इथे पोहचला आहे."

"या २४ वर्षात वेगवेगळ्या परिस्थितीचा सामना पक्षानमे केला. काही राज्यामध्ये आम्ही सत्तेत होतो. केंद्रात मी स्वत: आणि प्रफुल्ल पटेल मंत्री होतो. केरळ राज्यात सत्तेत येत काम करण्याची संधी मिळाली. अनेक राज्यात संधी मिळाली. आता देशात विरोधकांनी एकत्र येण्याची आवश्यकता आहे. २३ जून रोजी एकत्र येणार आहोत," असे शरद पवार यांनी म्हणाले.

यावेळी शरद पवार यांनी राष्ट्रवादी कार्यकारी अध्यक्षपदी खासदार सुप्रिया सुळे आणि आणि प्रफुल्ल पटेल यांची नियुक्ति केली आहे. कार्यकारी अध्यक्ष हे पद नव्यानेच निर्माण केली गेली आहे.