Delhi CM Arvind Kejriwal ED Case : दिल्लीचे मुख्यमंत्री अरविंद केजरीवाल यांची आज होणार ED चौकशी होणार आहे. कथित मद्य धोरण परवाना वाटप घोटाळ्याप्रकरणी चौकशी मुख्यमंत्री अरविंद केजरीवाल यांची चौकशी होणार आहे. या पार्श्वभूमीवर दिल्लीत पोलिसांचा मोठा बंदोबस्त ठेवण्यात आला आहे. मुख्यमंत्री केजरीवाल यांना अटक होण्याची शक्यता व्यक्त करण्यात आली आहे.
कथित मद्य धोरण परवाना वाटप घोटाळ्याप्रकरणी मुख्यमंत्री अरविंद केजरीवाल यांना ईडीने ३० ऑक्टोबरला समन्स बजावले होते. याच प्रकरणी यापूर्वी केजरीवाल यांची CBI ने नऊ तास चौकशी केली होती. याआधी माजी उपमुखमंत्री मनीष सिसोदिया आणि खासदार संजय सिंह यांना यापूर्वीच ED ने अटक केली आहे
या चौकशीला जाण्यापूर्वी केजरीवाल यांनी ईडीला उत्तर दिलं आहे. ही नोटीस बेकायदेशीर आणि राजकीय दबावातून देण्यात आली आहे. चार राज्यांमध्ये निवडणुकांच्या प्रचाराला जाण्यापासून रोखण्यासाठी भाजपच्या सांगण्यावरून ही नोटीस बजावली गेली आहे, असा आरोप करत ही नोटीत मागे घेण्याची मागणी केजरीवाल यांनी केली आहे.
केजरीवाल यांना भाजप सरकार अटक करणार असल्याचा दावा 'आप' च्या मंत्री अतिशी यांनी केला आहे. यांनतर INDIA आघाडीतील इतर नेत्यांना अटक करणार असल्याचा दावाही त्यांनी केलाय. केजरीवाल यांच्यानंतर पुढचा नंबर झारखंडचे मुख्यमंत्री हेमंत सोरेन, बिहारचे उपमुख्यमंत्री तेजस्वी यादव, केरळचे मुख्यमंत्री पी. विजयन, तामिळनाडू मुख्यमंत्री एम. के. स्टॅलिन आणि बंगालचे मुख्यमंत्री ममता बॅनर्जी यांचा आहे, असा दावा आतिशी यांनी केला.
दरम्यान, 'आप'चे खासदार राघव चड्ढा यांनीही अतिशी यांच्यासारखाच मोठा दावा केला आहे. महाराष्ट्राचे माजी मुख्यमंत्री शिवसेना पक्षप्रमुख (ठाकरे गट) उद्धव ठाकरे आणि राष्ट्रवादी काँग्रेसचे अध्यक्ष शरद पवार यांनाही अटक केली जाईल, असं राघव चड्ढा यांनी म्हटलं आहे.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.