Asaduddin Owaisi On Ceasefire: भारत-पाकिस्तान शस्त्रसंधी, असुद्दीन ओवेसी म्हणाले, 'काही झाले तरी पहलगाम हल्ल्यातील...'

Asaduddin Owaisi News : भारत पाकिस्तान यांच्यामध्ये शस्त्रसंधी झाल्याची घोषणा शनिवारी सायंकाळी पाच वाजता करण्यात आली. तरी देखील पाकिस्ताने अवघ्या तीन तासांत पुन्हा ड्रोन हल्ले केले त्याला भारतीय लष्कराने चोख प्रत्युत्तर दिले. शस्त्रसंधी झाल्यानंतर एमआयएम पक्षाचे प्रमुख, खासदार असुद्दीन ओवेसी यांनी ट्विटरवर आपल्या भावना व्यक्त करत सरकारला चार प्रश्न विचारले.

ओवेसी म्हणाले, 'जोपर्यंत पाकिस्तान त्यांच्या भूमितून भारताविरोधात आंतकवादाचा वापर करत राहिल तो पर्यंत शांतता शक्य नाही.शस्त्रसंधी होवो अथवा न होवो पहलगाम हल्ल्यासाठी जबाबदार असलेल्या आंतकवाद्यांचा पाठलाग सोडता कामा नये.'

जेव्हा बाह्य आक्रमण होते तेव्हा मी सरकार आणि भारतीय लष्कराच्यासोबत उभा राहिलो आहे. हे समर्थन नेहमीच असणार आहे. भारतीय सैनिकांच्या बहादुरीसाठी आणि त्यांच्या कौशल्यासाठी आभार व्यक्त करतो. आशा व्यक्त करतो की, शस्त्रसंधीमुळे सीमेक्षेत्रातील नागरिकांना दिलासा मिळाला असेल.

ओवेसी यांनी सरकारला विचारलेले प्रश्न

असुद्दीने ओवेसी यांनी सरकारला काही प्रश्न विचारले आहेत तसेच सरकार यावर स्पष्टीकरण देईल असे देखील त्यांनी आपल्या ट्विटमध्ये म्हटले आहे.

1.शस्त्रसंधीची घोषणा आपले पंतप्रधान नरेंद्र मोदी यांनी करायला हवी होती. तिसऱ्या देशाच्या राष्ट्रपतीने ही घोषणा करायला नको होती. शिमला करारानुसार तिसऱ्या देशाच्या मध्यस्थीला विरोध करण्यात आला आहे. मग आपण तिसऱ्या देशाची मध्यस्थी का स्वीकारली?

2. आपण तिसऱ्या ठिकाणी चर्चा करण्यासाठी का तयार झालो आहोत? या चर्चांचा अजेंजा का होता? अमेरिका याची गॅरंटी देणार का की पाकिस्तान त्याच्या भूभागाचा वापर दहशतवाद्यांना करून देणार नाही.?

3. पाकिस्तानने भविष्यात आंतकवादी हल्ले थांबण्याचा उद्देश प्राप्त केला आहे का? आपले लक्ष्य ट्रंम्प यांच्या मध्यस्थीचे होते का?

4. आपल्याला पाकिस्तानला FATF च्या ग्रे लिस्टमध्ये ठेवण्यासाठी आंतरराष्ट्रीय मोहिम चालू ठेवली पाहिजे.