Chhattisgarh New CM: कोण आहेत विष्णुदेव साई? वाचा छत्तीसगडच्या नव्या मुख्यमंत्र्यांचा राजकीय प्रवास

Chhattisgarh News : छत्तीसगडच्या नव्या मुख्यमंत्र्यांबाबतचा सस्पेन्स आता संपला आहे. विष्णुदेव साई हे राज्याचे नवे मुख्यमंत्री असतील. ते आदिवासी समाजाचे मोठे नेते मानले जातात. नुकत्याच झालेल्या विधान सभेच्या निवडणुकीत कुंकुरी विधानसभा मतदारसंघातुन ते आमदार झाले आहेत. साई यांनी काँग्रेसचे उमेदवार यूडी मिंज यांचा २५५४१ मतांनी पराभव केला आहे.  

कोण आहेत विष्णुदेव साई?

छत्तीसगडचे नवे मुख्यमंत्री विष्णुदेव हे राज्यातील मोठे नाव आहे. ते आदिवासी समाजाचे मोठे नेते मानले जातात. विष्णुदेव साई हे चार वेळा खासदार, दोनदा आमदार, केंद्रीय राज्यमंत्री आणि दोनदा प्रदेशाध्यक्ष राहिले आहेत. यासोबतच सई यांना भाजप संघटनेत  काम करण्याचा प्रदीर्घ अनुभव आहे. 2023 च्या विधानसभा निवडणुकीतही त्यांनी कुंकुरीची जागा जिंकली आहे. मुख्यमंत्रीपदासाठी विष्णुदेव साईंचा चेहरा असू शकतो, अशी चर्चा राजकीय वर्तुळात आधीपासूनच होती. कारण विष्णुदेव साई हे स्वच्छ प्रतिमेचे नेते म्हणूनही ओळखले जातात. प्रदेशाध्यक्षपदावरून दूर झाल्यानंतरही ते सातत्याने पक्षाशी जोडले गेले.

(राजकारणातील महत्त्वाच्या बातम्यांचे अपडेट्ससाठी सरकारनामाचे अधिकृत WhatsApp चॅनल फॉलो करा!)

विष्णुदेव साईंचा राजकीय प्रवास

1989 मध्ये त्यांचा राजकीय प्रवास सुरू झाला. ग्रामपंचायत म्हणून सईने राजकारणात प्रवेश केला होता. ते संघाशी संलग्न होते. 1990 मध्ये भारतीय जनता पक्षाने त्यांच्यावर विश्वास व्यक्त करत त्यांना तापकरा विधानसभा मतदारसंघातून आमदारकीचे तिकीट दिले, त्यात ते विजयी झाले. यानंतर ते रायगढ़ लोकसभा मतदारसंघातून सलग तीन वेळा खासदार म्हणून निवडून आले. ते 1999 ते 2014 पर्यंत सलग तीन वेळा खासदार राहिले आहेत. त्यामुळे विष्णुदेव साई हा आदिवासी समाजाचा मोठा चेहरा मानला जातो. पूर्वी पासूनच आदिवासी कोट्यातून आलेले विष्णुदेव साई हे देखील मुख्यमंत्रीपदाचे प्रबळ दावेदार होते.

मुख्यमंत्री चेहऱ्यासाठी ही नावे चर्चेत होती

छत्तीसगडमध्ये मुख्यमंत्र्यांच्या चेहऱ्याबाबत अनेक नावे चर्चेत होती. यामध्ये विष्णुदेव साईं शिवाय माजी मुख्यमंत्री डॉ. रमण सिंह, माजी केंद्रीय मंत्री रेणुका सिंह, रामविचार नेताम, अरुण साओ आणि ओपी चौधरी यांच्या नावांचा समावेश होता.