Rahul Gandhi News: काँग्रेसचे खासदार राहुल गांधी (Rahul Gandhi) यांनी लंडनमध्ये केलेल्या वक्तव्यावरून भाजप आक्रमक झाली आहे. संसदेमध्येही भाजपने राहुल गांधी यांना घेरण्याचा प्रयत्न केला आहे. त्यातच आता काँग्रेसचे (Congress) खासदार अधीर रंजन चौधरी यांनी पंतप्रधान नरेंद्र मोदी (Narendra Modi) आणि पश्चिम बंगालच्या मुख्यमंत्री ममता बॅनर्जी (Mamata Banerjee) यांच्यावर निशाणा साधला आहे.
अधीर रंजन चौधरी म्हणाले, पश्चिम बंगालच्या मुख्यमंत्री ममता बॅनर्जी आणि पंतप्रधान नरेंद्र मोदी यांच्यात ''राहुल गांधी आणि काँग्रेसची बदनाणी करण्यासाठी'' करार झाल्याचा आरोप त्यांनी केला. "ममता बॅनर्जी पंतप्रधानांच्या सूचनेनुसार बोलत आहेत. राहुल गांधी आणि काँग्रेसची बदनामी करण्यासाठी पंतप्रधान आणि 'दीदी' यांच्यात डील झाले आहे. त्यांना ईडी आणि सीबीआयच्या छाप्यांपासून वाचवायचे आहे. त्यामुळेच त्या काँग्रेसच्या विरोधात बोलत आहेत, असा आरोप चौधरी यांनी केला.
राहुल गांधी यांनी लंडनमध्ये केलेल्या वक्तव्यावरून संसदेचे कामकाज रोखून भाजप अनेक प्रश्नावरुन लक्ष हटवण्याचा प्रयत्न करत आहे. दरम्यान, पश्चिम बंगालमधील पंचायत निवडणुकांपूर्वी मुर्शिदाबाद आणि मालदा जिल्ह्यांतील विविध भागांतील 2, 000 हून अधिक तृणमूल काँग्रेस (TMC) आणि भाजपचे कार्यकर्ते काँग्रेसमध्ये आले, असल्याचा दावा चौधरी यांनी केला.
पश्चिम बंगालमध्ये मे आणि जूनमध्ये पंचायत निवडणुका होण्याची शक्यता आहे. त्यावरुन पश्चिम बंगालमध्ये राजकारण तापले आहे. दरम्यान, नुकत्याच झालेल्या विधानसभा पोटनिवडणुकीत काँग्रेसच्या उमेदवाराने तृणमूल काँग्रेसच्या उमेदवाराचा पराभव केला होता. त्यामुळे काँग्रेस आणि तृणमूल काँग्रेसमध्ये तणाव वाढला आहे.
सरकारनामाचे सदस्य व्हा
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.