Donald Trump On Pahalgam Terror Attack : जम्मू-काश्मीर येथील पहलगाम या पर्यटन स्थळावर मंगळवारी (ता.22) दहशतवाद्यांनी पर्यटकांवर भ्याड हल्ला केला. या हल्ल्यात आतापर्यंत 28 पर्यटकांचा मृत्यू झाल्याची माहिती समोर आली आहे. तर अनेकजण गंभीर जखमी झाले आहेत.
या दहशतवादी हल्ल्यानंतर देशासह जगभरातून संताप व्यक्त केला जात आहे. पंतप्रधान नरेंद्र मोदी (Narendra Modi) यांनी देखील या हल्ल्याचा तीव्र शब्दांमध्ये निषेध करत हल्लेखोरांना सोडणार नसल्याचा इशारा दिला आहे.
अशातच आता अमेरिकेचे राष्ट्राध्यक्ष डोनाल्ड ट्रम्प यांनी देखील पहलगाम येथील दहशतवादी हल्ल्याचा निषेध केला आहे. त्यांनी एक्सवर एक पोस्ट करत दहशतवादाविरोधातील लढाईत अमेरिका भारतासोबत असल्याचं स्पष्ट केलं आहे.
त्यांनी आपल्या पोस्टमध्ये लिहिलं की, काश्मिरमधून अत्यंत अस्वस्थ करणारी बातमी आली आहे. दहशतवादाविरोधात अमेरिका भारतासोबत खंबीरपणे उभी आहे. आम्ही मृतांच्या आत्म्यासाठी आणि जखमींना लवकर बरे होण्यासाठी प्रार्थना करतो.
पंतप्रधान नरेंद्र मोदी आणि भारतातील लोकांना आमचा पाठिंबा आणि सहानुभूती आहे. आम्ही तुमच्यासोबत आहेत.", अशा शब्दात ट्रम्प यांनी काश्मिरमधील दहशतवादी हल्ल्यावर प्रतिक्रिया दिली आहे.
दरम्यान, जम्मू काश्मिरमधील पहलगाममध्ये झालेल्या दहशतवादी हल्ल्यातील मृतांचा आकडा वाढला आहे. यामध्ये महाराष्ट्रातील 6 पर्यटकांचा मृत्यू झाल्याची माहिती समोर आली आहे. त्यानुसार आतापर्यंत 28 पर्यटकांचा मृत्यू झाल्याची माहिती आहे.
तर या दहशतवादी हल्ल्यानंतर केंद्रीय गृहमंत्री अमित शाह हे श्रीनगरमध्ये दाखल झाले आहेत. तर राष्ट्रपती द्रौपदी मुर्मू, पंतप्रधान नरेंद्र मोदींसह देशभरातील नेत्यांनी पर्यटकांवर झालेल्या भ्याड हल्ल्याचा निषेध केला आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.