Rahul Gandhi : ब्रिक्स परिषदेसाठी आलेल्या पंतप्रधानांचा राहुल-प्रियंका गांधींसोबत ब्रेकफास्ट!

Malaysian Prime Minister met Rahul Gandhi : १८ व्या ब्रिक्स परिषदेसाठी मलेशियाचे पंतप्रधान अन्वर इब्राहिम दिल्लीत उपस्थित होते. त्यांच्या या दौऱ्यात दोन घटना चर्चेचा विषय ठरल्या. आज लोकसभेचे विरोधी पक्षनेते राहुल गांधी आणि खासदार प्रियांका गांधी यांच्यासोबत त्यांची भेट झाली. यावेळी त्यांनी एकत्र नाश्ता करत वेगवेगळ्या विषयांवर चर्चा केली. तर दुसरीकडे ब्रिक्स शिखर परिषदेमधील स्नेहभोजनादरम्यान त्यांनी गायलेले भारतातील सुप्रसिद्ध गायकाचे गाणे, त्यांनी ते सोशल मिडियावर टाकल्यावर लोकांनी त्यांचे कौतुक केले.

पंतप्रधान अन्वर इब्राहिम यांनी राहुल गांधी आणि प्रियंका गांधी यांच्या सोबत नाश्ता करत आंतरराष्ट्रीय व प्रादेशिक विकास मुद्दयांवर चर्चा केली. 'ब्रेकफास्टच्या निमित्ताने पुन्हा एकदा माझे मित्र विरोधी पक्षनेते राहुल गांधी यांच्याशी भेटण्याची संधी मिळाली. आम्ही अलिकडील आंतरराष्ट्रीय आणि प्रादेशिक मुद्दयांवर चर्चा केली'. असे व्टीट त्यांनी केले. तर शनिवारी रात्री त्यांनी ब्रिक्स शिखर परिषदेच्या नियोजित स्नेहभोजनानंतर पियानोवर किशोर कुमारचं 'ख्वाब हो तुम या कोई हकीकत' हे सुप्रसिद्ध गाणं गायलं. त्यांच्या गाण्याचं सगळीकडे कौतुक होताना दिसत आहे.

मलेशिया हा ब्रिक्स परिषदेतील एक भागीदार देश आहे. आदल्या दिवशी त्यांनी नरेंद्र मोदी यांच्याशी व्यापार, सेमी कंडक्टर, पायाभूत सुविधा आणि संरक्षण यावर चर्चा केली होती. मोदींनी सोशल मिडीयावर पोस्ट करत याची माहिती दिली होती. त्यानंतर अन्वर इब्राहिम यांनी घेतलेली राहुल गांधीची भेट ही सध्या चर्चेचा विषय ठरली. त्यामुळे मलेशियाचे पंतप्रधान अन्वर इब्राहिम यांनी पंतप्रधान मोदी आणि विरोधीपक्ष अशा दोन्ही टोकांशी संवादाच धोरण ठेवलं आहे.

मलेशियाचे पंतप्रधान अन्वर इब्राहिम यांची राहुल गांधी यांच्यासोबत तिसरी भेट आहे. २०१९ साली 'काँग्रेसचे' अध्यक्ष असताना तर २०२४ च्या भारताच्या दौऱ्यात ते राहुल गांधीना भेटले होते. त्यांनी गांधी कुटुंबाचा 'कौटुंबिक मित्र' म्हणून उल्लेख केला होता. तसेच भारताचे पंतप्रधान नरेंद्र मोदी यांच्याशीही त्यांचे सलोख्याचे सबंध आहेत.