Mallikarjun Kharge Letter to PM Modi : खर्गेंनी मोदींना लिहिलं पत्र ; 'या' बाबत लवकरच निर्णय..

Mallikarjun Kharge Letter to PM Modi : काँग्रेसचे अध्यक्ष मल्लिकार्जुन खर्गे यांनी पंतप्रधान नरेंद्र मोदी यांना पत्र लिहिलं आहे.

हे पत्र काँग्रेसचे महासचिव जयराम रमेश यांनी टि्वट केलं आहे. मल्लिकार्जुन खर्गे यांनी जातीनिहाय जनगणना लवकरच करावी, अशी मागणी या पत्रात केली आहे.

जातीच्या आधारावर जातीगणना केल्यामुळे सामाजिक न्याय आणि सक्षमीकरण मजबूत होण्यास मदत होईल, असे खर्गे यांनी मोदींना लिहिलेल्या पत्रात म्हटलं आहे.

काँग्रेस पक्ष आणि नेत्यांकडून मी पुन्हा एकदा आपल्याला जातनिहाय जनगणना करण्याची मागणी करण्यासाठी हे पत्र लिहित आहे, असे त्यांनी खर्गे यांनी म्हटलं आहे.

माझे सहकाऱ्यांनी राज्यसभा आणि लोकसभेत याबाबतची मागणी केली आहे. अन्य विरोधी पक्षांनीही ही मागणी केली आहे, असे खर्गे यांनी नमूद केले आहे.

काँग्रेसचे महासचिव जयराम रमेश यांनी त्यांचे पत्र टि्वट केलं आहे. जेवढी लोकसंख्या आहे, त्या तुलनेत त्यांना अधिकार , सुविधा मिळाल्या पाहिजे. काँग्रेसने यापूवी अनेक वेळा ही मागणी केली आहे.

बिहारमध्ये जातीनिहाय जनगणना करण्याची घोषणा मुख्यमंत्री नीतीश कुमार यांनी केली आहे. दोन टप्यात ही जनगणना होणार असल्याचे नीतीश कुमार यांनी सांगितले आहे. पहिला टप्पा संपला असून दुसरा टप्पा सुरु झाला आहे. त्यासाठी जातींना वेगळे वेगळे कोड देण्यात आले आहेत.