Mamata Banerjee news : मी हे कधीच सांगितलं नाही, भाजपचे अध्यक्ष माझ्याकडे मदत मागायचे! पहिल्याच आंदोलनात ममता बॅनर्जींचा मोठा गौप्यस्फोट

West Bengal politics : पश्चिम बंगाल विधानसभा निवडणुकीत पराभूत झालेल्या तृणमूल काँग्रेसच्या अध्यक्ष ममता बॅनर्जी यांनी मंगळवारी मोठा गौप्यस्फोट केला आहे. त्यांचे भाचे खासदार अभिषेक बॅनर्जी, खासदार कल्याण बॅनर्जी यांच्यावरील हल्ला तसेच इतर मुद्द्यांवरून आज त्या कोलकाता येथे धरणे आंदोलन करत आहेत. यावेळी बोलताना ममतांनी अनेक मुद्द्यांवर भाष्य केले आहे.

ममता बॅनर्जी यांच्या आंदोलनासाठी पक्षाचे खासदार-आमदारांसह मोठ्या संख्येने कार्यकर्ते उपस्थित आहेत. राज्यातील सत्ता गेल्यानंतर त्यांचे हे पहिले आंदोलन आहे. त्यामुळे संपूर्ण राज्याचे लक्ष या आंदोलनाकडे लागले आहे. यावेळी बोलताना अभिषेक बॅनर्जी यांच्यावरील हल्ल्याचा उल्लेख करत त्यांनी भाजपवर जोरदार निशाणा साधला.

ममतादीदी म्हणाले, ज्या लोकांनी कधीकाळी माझ्याकडे मदत मागितील होती, त्यांनी अभिषेक यांच्यावर हल्ल्यावेळी आमचे समर्थन केले नाही. भाजपचे अध्यक्ष अनेकदा फोन करून माझी मदत मागत होते. पण मी ही बाब कधी मीडियाला सांगितली नाही. भाज सोडून सर्व राजकीय पक्षांशी माझे चांगले संबंध आहे. पण जेव्हा कधी भाजपने मदत मागितील, मी मदत केली. त्यांच्या वाईट काळात त्यांना सहकार्य केले. मी त्यांना वैयक्तिक फोनही केले होते, असे ममता म्हणाल्या आहेत.

लढू किंवा मरू, असे म्हणत ममता बॅनर्जी यांनी भाजप सरकारला आव्हानही दिले. त्या म्हणाल्या, त्यांची इच्छा असेल तर मला अटक करावी. कोलकाता मध्ये आंदोलनाची परवानगी दिली नाही तर मी दिल्लीत जाईन. बंगालमध्ये पोलीस पक्षाच्या नेत्यांना धमकी देत आहेत. माझ्या कार्यकाळात मी सर्व लोकांसोबत उभी होते. तेव्हा विचारधारेचा विचार केला नाही.

पक्षाचे खासदार कल्याण बॅनर्जी यांनी आमदार रितब्रत बॅनर्जी यांच्यावर टीका करताना त्यांचा चोर असा उल्लेख केला. बनावट सही प्रकरणावरून पक्षाने रितब्रत यांना बडतर्फ केले आहे. याअनुषंगाने बोलताना कल्याण बॅनर्जी म्हणाले, तृणमूल काँग्रेसच्या तिकीटावर तुम्ही लढला. ममता बॅनर्ती यांच्या आशीर्वादामुळे तुम्ही जिंकला. तुमच्यामध्ये हिंमत असेल तर आमदारकीचा राजीनामा देऊन पुन्हा जिंकून दाखवा.