Delhi News: मोदी सरकारविरोधात विरोधकांनी दाखल केलेल्या अविश्वास ठरावावर संसदेत चर्चा सुरू असून विरोधक सरकारला घेरण्याच्या तयारीत आहेत. तर दुसरकीडे सत्ताधाऱ्यांकडून सरकारची बाजू संसदेत मांडत विरोधकांवर जोरदार हल्लाबोल करण्यात येत आहे. असे असतानाच 'एमआयएम'चे खासदार असदुद्दीन ओवैसी यांनी मोदी सरकारसह काँग्रेसवर निशाणा साधला आहे.
"मणिपूरमधील हिंसाचाराच्या घटना, मुस्लिमांच्या घरांवर बुलडोझर चालवल्याचे सांगत, देशात द्वेषाचे वातावरण असून मणिपूरमध्ये निरपराध लोकांचे बळी जात असल्याचे सांगत या देशात चौकीदार आहे आणि दुकानदार आहेत", असा शब्दात ओवैसी यांनी नरेंद्र मोदी आणि राहुल गांधींवर टिकास्त्र सोडले.
मणिपूरात महिलांवर अत्याचाराच्या घटना घडत असून मोठ्या प्रमाणात हिंसाचार सुरू आहे, असे असतानाही तेथील मुख्यमंत्र्यांना का हटवले नाही?, असा सवाल त्यांनी मोदी सरकारला विचारला. याबरोबरच दोन आठवड्यांपूर्वी मुंबई पॅसेंजर एक्स्प्रेसमध्ये एका'आरपीएफ'च्या जवानाने चार जणांची हत्या केल्याच्या घटनेकडेही ओवैसींनी सरकारचे लक्ष वेधले.
काँग्रेसकडून 2019 च्या निवडणुकीदरम्यान चौकीदार चोर आहे, अशी टीका मोदींवर करण्यात येत होती. यावरून भाजप आणि काँग्रेस आमने-सामने आले होते. तर आता खासदार असदुद्दीन ओवैसींनी देशात चौकीदार आणि दुकानदार आहेत, असे म्हणत मोदींसह राहुल गांधींवर टिकास्त्र सोडल्यामळे पुन्हा राजकारण तापण्याची शक्यता आहे.
Edited By- Ganesh Thombare
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.