Nepal Political Crisis : शाह होणार नेपाळचे नवे पंतप्रधान! तरुणांच्या हिंसक आंदोलनानंतर काय काय घडलं?

Nepal Political Crisis : नेपाळमध्ये जनरेशन झेड तरुणाईनं देशात बोकाळलेला भ्रष्टाचार, बेरोजगारी तसंच सोशल मीडिया अॅप्स बंद करुन स्वातंत्र्य हिरावून घेतल्याच्या विरोधात मोठं आंदोलन उभारलं आहे. हे आंदोलन हिंसक बनलं असून राजधानी काठमांडूसह देशभरात जाळपोळ हिंसाचार सुरु झाला आहे. तरुणाईचा हा आक्रमक पवित्रा पाहता पंतप्रधान केपी शर्मा ओली यांनी आपल्या पदाचा राजीनामा दिला आहे.

तसंच त्यांच्यानंतर काठमांडूचे महापौर असलेले बालन शाह हे नवे पंतप्रधान होण्याची दाट शक्यता वर्तवली जात आहे. खुद्द आंदोलक तरुणांनी शाह यांच्या नावाला पसंती दिली आहे.

दरम्यान, नेपाळचे माजी उपपंतप्रधान रवि लामिछाने यांची तुरुंगातून सुटका करण्यात आली आहे. आंदोलकांनी त्यांना तुरुंगातून बाहेर काढलं आहे. तसंच सगल दुसऱ्या दिवशी नेपाळी तरुणांनी हिंसाचार सुरुच ठेवला आहे. दरम्यान, काठमांडूचे माजी महापौर बालेश शहा यांनाच आता पंतप्रधानपदी बसवा अशी मागमी या आंदोलकांनी केली आहे.

दरम्यान, लष्कराशी चर्चा करुन वन सरकार स्थापण करण्याच्या हालचाली सुरु झाल्या आहेत. बालेन शाहा यांनी म्हटलं की, राष्ट्रपती सुद्धा एक अंतरिम सरकार बनवण्याच्या हालचाली सुरु झाल्या आहेत.