One Nation One Time: देशात एकच वेळ!मोदी सरकारनं मागवल्या सूचना; घड्याळाची वेळ IST नुसार

एक देश-एक निवडणूक यांची अमंलबजावणी करण्याचा केंद्र सरकारचा विचारात असताना देशात सगळीकडे एकच वेळ असावी यासाठी हालचाली सुरु झाल्या आहेत. भारतीय प्रमाणवेळेचा वापर करणे आता बंधनकारक राहणार आहे.

बँकिंग, टेलिकम्युनिकेशन, 5जी, संरक्षण, एआय आदी नव्या टेक्नॉलॉजीसह महत्त्वाच्या राष्ट्रीय इन्फ्रास्ट्रक्चरमध्ये वेळेचं पालन निश्चित करण्याचा एक प्रयत्न म्हणून ग्राहक मंत्रालयाने हा प्रस्ताव मांडला आहे.

ग्राहक मंत्रायलाकडून यासाठी १४ फेब्रुवारीपर्यंत यावर प्रतिक्रिया मागितल्या आहेत. ग्राहक मंत्रायलाने वेळेबाबत तयार करण्यात आलेल्या मसुद्यानुसार, सार्वजनिक प्रशासन, कायदेशीर करार, व्यावसायिक, परिवहन, आर्थिक व्यवहारांसह सर्व क्षेत्रात आयएसटी (IST)हे प्रमाण वेळेचा संदर्भ म्हणून बंधनकारक असेल.

आयएसटीशिवाय वेळेच्या इतर संदर्भांच्या वापराला बंदी, सरकारी कार्यालय, सार्वजनिक संस्थांमध्ये आयएसटीचा वापर बंधनकारक करणं यांचा अधिकृत आणि व्यावसायिक उद्देशांमध्ये समावेश आहे.