Prashant Kishor News : बिहार विधानसभा निवडणुकीत काँग्रेस आणि प्रशांत किशोर यांच्या जनसुराज्य पक्षाला दारुण पराभव पत्कारावा लागला. जन सुराज्य पक्ष स्वतंत्र लढत होता. या निकालाच्या एका महिन्यानंतर प्रशांत किशोर यांनी मोठे पाऊल उचलत आज काँग्रेस नेत्या प्रियंका गांधी यांची भेट घेतली.
प्रशांत किशोर हे काँग्रेसचे टीकाकार मानले जातात. त्यांनी विधानसभा निवडणुकीवेळी भाजपसोबत काँग्रेसला देखील टार्गेट केले होते. मात्र, बिहारच्या निकालानंतर जवळपास एका महिन्यानंतर ते काँग्रेस नेत्या प्रियांका गांधी यांची भेट घेत असल्याने ते काँग्रेसमध्ये प्रवेश करणार असल्याच्या चर्चा राजकीय वर्तुळात सुरू झाल्या आहेत.
प्रशांत किशोर यांनी प्रियांका यांची भेट नेमकी कोणत्या कारणासाठी घेतली याची माहिती समोर येऊ शकली नाही. मात्र, भाजपने वाढते वर्चस्व आणि विरोधी पक्ष कमजोर होत असताना रणनीतीकार म्हणून प्रियांका गांधी यांना आपली भूमिका सांगण्यासाठी त्यांनी भेट घेतली असावी अशी चर्चा आहे.
प्रशांत किशोर यांनी रणनीतीकार म्हणून 2014 ला पंतप्रधान नरेंद्र मोदी यांच्यासोबत काम केले होते. पुढे त्यांनी पंतप्रधान मोदींची साथ सोडून विविध पक्षांसाठी राजकीय रणनीतीकार म्हणून काम केले. 2022 मध्ये ते काँग्रेसमध्ये जाणार म्हणून चर्चा सुरू होती. त्यांनी सोनिया गांधी, राहुल गांधी आणि प्रियांका गांधी यांच्यासह वरिष्ठ नेत्यांना एका प्रेझेंटेशन दिले होते. मात्र, काँग्रेसने दिलेली ऑफर न पटल्याने त्यांनी काँग्रेससोबत काम करण्याचे टाळले.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.