BJP Vs Eknath Shinde : भाजपने वाढवले एकनाथ शिंदेंचे टेन्शन, 'या' महापालिकेत स्वबळाचा नारा

Navi Mumbai News : आगामी महापालिका निवडणुकीसाठी भाजप आणि एकनाथ शिंदेंची शिवसेना याची युती होणार असल्याची चर्चा आहे. मुंबईतील जागा वाटपासाठी आज दोन्ही पक्षातील नेत्यांची चर्चा होत आहे. मात्र, शिंदेंच्या शिवसेनला नवी मुंबईत भाजपचा विरोध कायम आहे. भाजप नेते, माजी खासदास संजवी नाईक यांनी स्वबळावर लढण्याची तयारी सुरु केल्याची माहिती आहे.

संजीव नाईक यांनी नवी मुंबईतील तब्बल 850 इच्छुकांच्या मुलाखती घेतल्या. 111 वाॅर्डमधून इच्छुकांनी मुलाखती दिल्या आहेत. असे नाईक यांनी सांगितले.

गेली 11 वर्षांपासून महापालिकेची निवडणूक झाली नाही. त्यामुळे कार्यकर्त्यांना संधी मिळावी, अशी सर्वांची भावना आहे. त्यातूनच कार्यकर्त्यांनी स्वबळावर लढण्यासाठी आग्रह धरला आहे. त्यांची ही भावना पक्षश्रेष्ठींपर्यंत पोहोचवू, असे देखील नाईक यांनी सांगितले.

भाजपचा महापौर होणार

संजीव नाईक म्हणाले, युतीबाबत कार्यकर्त्यांमध्ये नाराजी आहे. युती नकोच अशी त्यांची भावना आहे. नवी मुंबई महापालिकेचा महापौर हा भाजपचाच झाला पाहिजे आणि पंतप्रधान नरेंद्र मोदींच्या नेतृत्वाखाली काम व्हावे, अशी त्यांची इच्छा आहे.

गणेश नाईकांचाही युतीला विरोध

वनमंत्री गणेश नाईक यांनी अनेकदा जाहीर कार्यक्रमातून वी मुंबई महापालिकेत एकनाथ शिंदेंच्या शिवसेनेसोबत युती करण्यास विरोध केला होता. त्यांनी ठाण्यातील एका कार्यक्रमात रावणाचा अहंकार जाळा, असे वक्तव्य करत नाव न घेता शिंदेंवर निशाणा साधला होता.